Video
Read full review
2025-01-12
0 views
呢日跟朋友搵食入到元朗食一間好抵食嘅放題，行到附近見到大大個招牌都幾易揾好難得呢度有常溫嘅飲品攞，如果唔飲得凍飲嘅話都好貼心本身個放題$258，加埋一都唔駛三百蚊落到樓， 好抵食我哋就加咗190蚊做升級可以任叫生蠔，吞拿魚刺身，蟹腳，甲羅燒etc 任食喎唔係講笑，勁開心😍😍 以後同人慶生就決定帶黎食，一定開心😋首先頭盤緊係食咗凍嘢先啦 生蠔同蟹腳都好新鮮 蟹腳幾大條，吞拿魚刺身係薄切，但 我反而覺得咁樣幾好，因為放題梗係要留肚食其他好嘢，唔使孤沽一味浪費quota明太子三文魚反卷唔點豉柚會好啲，明太子都好夠咸，呢啲卷建議一上台即刻食，如果放耐咗啲紫菜會被飯整林火炙壽司大推赤蝦，三文魚同黑松露鰻魚，一上枱就聞到黑松露味好香第一次自助餐以外都有得食蟹腳，真係好開心❤️西京燒比目魚，唔算多骨呢個又係升級先有嘅甲羅燒， 好香 一啲都唔腥，我之前其他地方食過都覺得啲蟹膏會有陣腥味但係呢度唔會，食到停唔到，後尾我哋仲自己嗌多咗啲鱈魚乾（yes有得另外嗌）因為佢本身得兩塊唔夠裝帶子都有醬油燒同黃金燒（即沙律醬）兩種食法，醬油燒感覺無咁邪惡忍唔住不停encore嘅三文魚同吞拿魚飲品除咗出邊自己拎嗰啲之
好難得呢度有常溫嘅飲品攞，如果唔飲得凍飲嘅話都好貼心
本身個放題$258，加埋一都唔駛三百蚊落到樓， 好抵食
我哋就加咗190蚊做升級可以任叫生蠔，吞拿魚刺身，蟹腳，甲羅燒etc
任食喎唔係講笑，勁開心😍😍
以後同人慶生就決定帶黎食，一定開心😋
首先頭盤緊係食咗凍嘢先啦
生蠔同蟹腳都好新鮮 蟹腳幾大條，吞拿魚刺身係薄切，但 我反而覺得咁樣幾好，因為放題梗係要留肚食其他好嘢，唔使孤沽一味浪費quota
明太子三文魚反卷唔點豉柚會好啲，明太子都好夠咸，呢啲卷建議一上台即刻食，如果放耐咗啲紫菜會被飯整林
火炙壽司大推赤蝦，三文魚同黑松露鰻魚，一上枱就聞到黑松露味好香
第一次自助餐以外都有得食蟹腳，真係好開心❤️
西京燒比目魚，唔算多骨
呢個又係升級先有嘅甲羅燒， 好香 一啲都唔腥，我之前其他地方食過都覺得啲蟹膏會有陣腥味但係呢度唔會，食到停唔到，後尾我哋仲自己嗌多咗啲鱈魚乾（yes有得另外嗌）因為佢本身得兩塊唔夠裝
帶子都有醬油燒同黃金燒（即沙律醬）兩種食法，醬油燒感覺無咁邪惡
忍唔住不停encore嘅三文魚同吞拿魚
飲品除咗出邊自己拎嗰啲之外，掃qr code仲可以無限叫清酒，梅酒，cocktail仲有泰茶, 勁驚喜，通常飲品無咁多花款，我覺得梅酒略嫌太酸，清酒就好甜，女仔都好易入口
總結呢間放題一定會encore，朋友好介紹
PS 佢仲有兩格廁所 幾乾淨，所以食蟹腳都可以即刻衝去洗手，幾方便
Post
