泰 Thai . Fusion (Closed)

5月份天氣已經變得炎熱，小編坐底急不及待先點一杯香港唔多餐廳會有嘅冰凍飲品解解渴。原隻椰青沙冰🥥 HK48店家將原個椰青刮肉即叫即打，所以千祈唔好躁底， 耐心等一段時間，因為等一陣係值得 出黎喇~出黎喇~~ 賣相滿滿嘅沙冰，豐厚綿密，就算到飯局尾聲仍然椰味濃郁。真心推~~~~至於食物質素，師傅亦都準備十足用心烹調。泰式生蝦 HK$148刺身最緊要新鮮。。真的新鮮美味、大大隻。青醬汁亦都剛剛帶出刺身鮮味泰式拼盤 (炸蝦餅、炸魚餅、春卷及串燒雞) HK$158摩天輪造形吸引眼球。食物足料，蝦/魚餅咬落彈牙爽口，春卷脆香不油膩，串燒雞正常。泰皇咖哩炒肉蟹 HK$368大大碟泰式咖哩肉蟹，鮮味十足，蛋咖哩醬汁又係白飯殺手可撈上幾碗白飯。冬陰公湯底明爐鱸魚 HK$238用上明火gas爐火力夠，滾起湯底變為冬陰公魚湯，又係一絕。雖明火但魚肉仍無比鮮嫩芒果椰汁糯米飯 HK$58 + 椰汁西米糕 HK$42不得了。。塊芒果肉好好食，好似泰國街邊食個種 西米糕溝左好多芋頭粒、栗米粒，口感豐富，味道適中唔太甜總括黎講，食物質素高，價錢公道抵食。至於室內環景舒適光亮尚算闊落，起碼唔會迫迫摃。下次光顧再試