Milu Thai มิลู่ไทย (百樂中心)

Open Now

Now Closed

經常睇OpenRice搵餐廳食好嘢，見到呢間泰國菜餐廳長期名列前茅，真係要嚟試下先得。餐廳裝潢非常特別，四周牆上好多創意壁畫好色彩繽紛，望到心情都靚啲。火山排骨 $228係泰國旅行時食過勁大盤的火山排骨，原來香港都唔輸蝕，呢度嘅火山排骨份量超巨型好澎湃，排骨肥瘦相間，入口軟腍，當中仲有好多骨膠質，沾滿蔥花及辣椒，醬汁夠辣好惹味。咖哩三重奏 $218三色咖哩之中，紅咖哩偏酸辣，青口好好食，大蝦夠彈牙；黃咖哩味濃偏甜而不辣，扇貝好大隻，炸魚柳亦香口惹味；青咖哩就椰奶味重，配炸軟殼蟹一齊食，炸蟹味當中又會散發住陣陣椰香。以不同咖哩汁配蒜香牛油麵包粒食，味道各有特色。泰式燒牛柳 $98牛柳煎得非常香口，外皮微焦但內裡尚算軟腍，肉質偏瘦無脂肪，配酸辣醬同食，味道提升了一個層次。泰式海鮮炒粉絲 $98配料好豐富，有魷魚、帶子，再加上紹菜、雞蛋一齊炒香，好有穫氣，粉絲炒得乾身，囗感煙煙韌韌，好惹味，食唔停口。龍眼冰 $36、椰青 $52足料龍眼冰真係好多粒龍眼肉，味道香甜口感清爽。椰青就椰水多椰肉嫩，好飲又好食。