大阪日本料理

Open Now

Now Closed

落雨天懶得出街，就叫了大阪外賣，由落單到送餐大概半個鐘左右，幾快手呀。點了三個飯送了一碗麵豉湯，唔知係咪正常，都無乜所謂嘅，飲係上黎鹹鹹地咁囉都幾好飲。右前係牛肉蛋飯，超多牛肉，食極都有嘅感覺，哈哈，由於係滑蛋嘅關係，啲飯都幾濕，好似食緊湯飯咁。另一個係窩蛋燒汁牛肉飯，因為餐牌有兩款牛肉飯，特登叫晒兩款睇下個分別，個人覺得燒汁呢款香口啲，但屋企人就唔鍾意佢有青椒，哈哈，呢碗個牛都係爆多嘅。最後一盒係雞扒蛋飯，雞扒正常份量，煎得香口，不過同樣因為滑蛋所以個飯好多汁，都ok啦，啲飯唔算好爛。外賣都預左係咁，堂食應該會好好多。