意粉屋 (荃灣廣場)

Open Now

Now Closed

好多年無食過意粉屋，今次想試下芝士火鍋，座位環境都好舒服。夜晚7點05分入座，7點20分落單，芝士火鍋7點50幾分上，可能有d餓，感覺等有d耐，哈哈。第一啖覺得好香濃芝士，覺得無乜咸蛋黃味，又試2啖，侍應黎左原來上錯左，俾左經典芝士，好好人即刻換左咸蛋黃芝士，咁就試左2種口味！見到牛肉配菜上左，仲諗緊2個人會唔會唔夠飽，因為睇落有d少，點知最後腬到想嘔，飽上心口，成餐飯我覺得好咸，火腿已好咸，咸蛋芝士又咸(有d後悔換走經典芝士，哈哈)，如果平時食得清淡既人，應該會唔太鐘意，但經典芝士我覺得係正既！係等餐個陣，見到隔離枱叫既肉醬意粉，燒雞全部睇落好吸引，下次都會想試下。。飲品叫左熱Oreo朱古力，但飲落一d都唔熱，暖都無，常溫咁，但個味係好飲。。牛油果青瓜冰沙好正，唔甜好清新口感！覺得可以再光襯，試其他野，自己平時食得淡，所以叫錯食物應該。哈哈！另外，侍應服務態度都好好