豚道樂 (百合苑商場) (Closed)

因為見到有人post 過有一塊好闊既麵，好想去試，原來唔係每款拉麵都有，要期間限定既泡系肉食獸拉麵！叫咗一碗泡系肉食獸拉麵，一碗黑蒜豬骨！先講泡系肉食獸，先試湯底，超濃超甜既豬骨味，set 好係直麵，除左左右兩款叉燒，中間炒個堆豬肉好食！叉燒甜甜地，我鍾意！直麵係似一蘭個一款麵！令一碗係黑蒜油，隻蛋冇乜特別，左右兩款叉燒同食肉獸既一樣，紫菜冇乜特別，真係有少少多餘！湯底又係超級霹靂無敵勁濃！但黑蒜油唔夠蒜香，叫左曲面，真心覺得有啲怪，自己唔係特別鍾意，佢係似生麵個一種！其實兩個麵都好食，但係對於我來講呢就太濃，有少少油膩，d 湯濃到好似汁咁！建議俾少少醋，或者檸檬汁，就會中和返少少，男仔去食應該冇問題，我朋友就覺得好正！佢覺得叉燒同湯底都OK!所以口味嘅嘢，有啲個人！最後講返服務，撞到個女似老闆嘅人，超級細心咁同我介紹啲拉麵，入到去員工都好友善！最後佢哋倒垃圾，比我偷睇到，啲垃圾裏面有好多豬骨，係勁多豬骨，即刻覺得真材實料，即刻覺得好濃😂😂😂😂😂