辛安東元祖奶奶雞 (Closed)

早兩日去旺角睇戲，突然想食韓國野，就嚟食元祖奶奶雞。奶奶雞差唔多200蚊半隻，係啲好濃好香嘅汁燘過嘅雞塊～兩個人食都夠飽，啲汁好香好香，啲雞都幾滑同好入味，有埋配料好好食。有蘿蔔、瓜、薯仔同寛粉，薯仔同寛粉都好有咬口，薯仔唔會煮到淋晒，食到停唔到口。食食下都飽左～另外叫左個部隊鍋，部隊鍋都係正正常常咁，不過佢就唔係公仔麵，係用拉麵……不過我鍾意食公仔麵多啲！入面有芝士、泡菜年糕、腸仔個啲，唔係好夠辣，呢個無乜特別，比較推薦奶奶雞！