樓下冰室 (Closed)

聽聞呢間冰室係荃灣好出名，所以今日一於試試。-特色蕃茄濃湯通粉 配牛乳炒蛋&吉列魚柳 $48皆因下午茶時段所以比較平啲，但份量都非常多。蕃茄濃湯味道清甜，好重番茄味，甜味較濃易入口。特別有樣野抵讚，鋪頭將啲蕃茄籽都挑走曬，幾有誠意。通粉冇乜特別，硬度適中。牛乳炒蛋直接上係蕃茄通粉上面，所以冇乜點食到牛乳味，同埋蛋炒得比較老，建議可以炒蛋同通粉分開上。吉列魚柳係套餐配既，仲有其他唔同既選擇，魚柳炸得幾脆，亦都幾大塊，抵食👍🏻-冰室炒意粉 $48用蕃茄醬炒，味道略嫌太甜，但整體黎講幾好食。配料有火腿、蕃茄、腸仔，而最有誠意既係佢地亦會用雞脾肉黎做配料放入意粉一齊炒。-細心睇樓下冰室個Logo會見到有個蕃茄係到，亦正正代表住佢地主打蕃茄煮既菜式，如果鐘意蕃茄既朋友可以去試下。