金鶴拉麵 (和富道) (Closed)

知道最近不過開咗一間雞白湯拉麵，同朋友去開銅鑼灣就搭電車去咗北角食呢間拉麵店去到好好彩唔使排隊入到去餐廳都幾大幾舒服坐得幾好入到黎我哋嘅目標就係雞白湯拉麵，見到餐牌竟然出咗一款超濃湯嘅版本，所以我同朋友就每人叫咗一碗一碗係正常雞白湯底另一碗就係超濃雞白湯試吓兩者嘅分別餐廳上拉麵嘅速度都幾快等左大約10分鐘左右就上咗拉麵俾我哋，首先試咗正常湯底嘅拉麵先，雞湯嘅味道都幾香幾滑，配埋拉麵同埋慢煮嘅雞肉味道做得剛剛好，而且拉麵嘅份量亦都幾多，湯底嘅掛湯程度亦都做得唔錯，食完拉麵已經幾夠飽另一碗朋友食嘅就係超濃湯底嘅拉麵，一飲落去個湯底就知道個分別，雖然睇落去顏色一樣，但係湯底嘅濃度高左食落去亦都會更加rich，我個人就更加鍾意超濃湯底嘅雞白湯拉麵，雖然佢湯底做得好濃郁但係亦都唔會有食完好口渴嘅感覺，應該並唔係味精嘅味道，非常足料最後我哋就叫咗一款炸雞做小食，千祈唔好睇小拉麵店嘅炸雞，我個人覺得依間餐廳嘅炸雞做得好食過任何一間炸雞專門店所出嘅炸雞，可能係即炸嘅關係所以炸雞非常之脆，而且肉質非常非常嫩滑，我直頭覺得佢哋可以開一個專門店專賣炸雞，嚟到一定要試埋佢個炸雞！