黑木亭居酒屋 (金馬倫道)

餐廳係人氣排隊店，好在門口有啲凳可以喺等候期間坐吓，好貼心。餐廳裝修好有日式居酒屋嘅感覺，一路食嘢都覺得好有氣氛。〈三味鐵板A5和牛鵝肝〉分別有兩款和牛包括厚切A5和牛同埋大蔥蒜蓉和牛，兩款和牛都超高質，入口即化。厚切和牛牛味較濃，大蔥蒜蓉就令和牛味道更加有變化。鵝肝超大塊，油脂重之餘又唔會膩，除咗可以就咁食，仲可以配埋脆多士一齊食。〈黑木亭原創-黑糖啤酒拉麵〉打卡一流！用咗大啤酒杯嚟裝住拉麵，杯面鋪滿奶蓋就好似啤酒嘅泡沫咁。拉麵本身好彈牙好有咬口，好似冷麵既食法咁可以撈埋紫菜碎，蔥碎、蘿蔔蓉、Wasabi一齊食，盞鬼得黎味道都好不錯！〈手羽雞翼塔〉利用咗一支鐵籤穿起晒咁多隻雞翼，擺盤幾得意。雞翼香脆可口，但雞肉依然可以保持嫩滑，雞味香濃。〈蜜桃烏龍熊茶〉清爽得黎味道唔會太甜，夏天解暑一流。〈藍蝶花佛手柑熊茶〉柑橘味好香，味道就有少少偏甜。