一鳴拉麵

Open Now

Now Closed

同朋友去大埔食拉麵，我地專登入黎就係為左食芫茜拉麵。呢間店位於一條巷仔入面，門口望入去，好有日本既拉麵店既感覺。夜晚黎呢到都幾多客人，幾乎滿坐！呢度有五款拉麵，最貴既係廣島蠔豬骨湯，但都唔過一百蚊，好抵食。揀完要咩湯底之後，就可以揀麵條、麵質、細蔥量、配料同埋辛辣醬，可以調配屬於自己口味既拉麵！另外仲有一啲特飲！我地咁遠黎到，當然要揀返得呢度先有既香菜拉麵啦，呢個拉麵係將清新芫荽醬加入豬骨湯底，食落去可以品嘗到好香既芫荽味！朋友係芫荽控，佢對呢個拉麵贊不絕口啊！我就點左最basic既拉麵，就係一鳴豬骨濃湯拉麵，濃濃既豬骨湯配上普通硬道既曲麵，好味道。湯底好濃郁，好味到差唔多成碗湯都飲哂啊！我地仲叫左杯芒果菠蘿乳酸特飲，酸酸甜甜，同拉麵好夾啊！