一鳴拉麵

Open Now

Now Closed

茂名而來一鳴拉麵食咗餐 寫低紀念下空間比普遍拉麵店闊落 環境感覺乾淨坐低即上凍檸水 開胃又止渴下午茶時段 從落單到開餐大致10-15分鐘麵條：太麵硬度：普通細葱：普通木耳：要配料：豬軟骨唐辛醬：少量荽茜愛好者必試荽茜與豬骨湯底配搭意外地好食，湯底濃郁入味塘心蛋及豬軟骨同屬佳品 中上水平唐辛醬的辣味轉瞬即逝 勾起食欲同時唔會辣親喉嚨略嫌麵條唔夠彈牙 可能硬麵比較好咬咗啖先記得影相炸雞新鮮出爐 又香又多汁炸出嚟嘅外皮脆得嚟唔會刮口正整體可圈可點 會再來一試

明太子玉子燒玉子燒口感柔軟，明太子既鹹香同埋甜甜地既玉子燒都幾夾，內裏仲有芝士拉絲。角切魚生丼魚生丼上面既三文魚鮮甜，其他雜錦刺身新鮮，可惜刺身份量未算太多香菜拉麵湯底芫茜味濃郁，十分美味😋糖心蛋有流心環境氣氛很好，店舖不大但與日本的居酒屋好似

呢個天氣🍁🍂🍂🍂啱晒食碗暖笠笠拉麵🍜作為荽茜控✨定期都會嚟食呢個荽茜豬骨湯拉麵🍜💚💚💚好濃荽茜湯底🙂‍↕️🙂‍↕️🙂‍↕️好滿足🫶🏻店員都好細心入去，已經遞上檸檬室溫水💚舖頭細細，但係坐得都舒服💚💪🏻近排大埔好多小店執咗🥹🥹🥹更加珍惜現有的小店✨唔知算唔算係有少少隱世Lunch Time唔太多食客🥹有機會經過嘅話會再支持吓✨#大埔美食 #香港拉麵 #荽茜控 #香菜

夜晚同朋友喺大埔搵食，發現咗呢間小清新嘅日式拉麵店——一鳴拉麵🍜。入門已經感受到日式風格嘅簡約裝潢，環境舒適✨，最特別嘅係有隻貓店長喺店內悠閒巡視🐾，成餐飯食得特別開心。我哋點咗黑蒜拉麵同赤辛拉麵，味道真係冇令我哋失望！黑蒜拉麵嘅湯底濃郁香醇，黑蒜嘅香味同叉燒嘅炙燒香氣相輔相成，叉燒嫩滑，麵條適中，真係不得不讚！✨赤辛拉麵辣得嚟唔會過火🌶️，辣度啱啱好😋。我哋仲叫咗個芝士明太子玉子燒，🍳內餡嘅芝士唔會太膩🧀，加上明太子，整體都算唔錯！如果又鐘意貓又鐘意食拉麵呢間餐廳都係一個唔錯既選擇🎉🐾🍜

一鳴拉麵/食堂價錢💲: $88/ $158/ $58/ $89好味程度😋: 4/5服務🍴: 3.7/5環境🗾: 3.4/5性價比🥢: 4.3/5回頭率😚: 4/5-d人成日話大埔好多野食，其實又真係好多小店geh，係廣福道後面的呢條街就已經有好多好野啦！一鳴拉麵有2個鋪位，一間主要食拉麵，另一間就有魚生飯定食串燒個d，選擇都幾多。最主要係有靚女姐姐侍應🤪-✅✅黑蒜豬骨濃湯拉麵$78。佢地的拉麵都可以選擇細麵或太麵，同埋豬軟骨定叉燒。太麵會係黃麵，有卷度，煙靭d。細麵就係白身麵會吸收湯小小。豬軟骨好入味又淋，肉筋都化曬，好好食😋呢個黑蒜湯底好濃味，豬骨湯已經夠濃鬱，帶小小膠質，味道醇厚，再加大量黑蒜油的蒜味，好香口🥳仲有半隻溏心蛋，做到流心有味。$78有咁的份量質素拉麵，超級推薦！-✅赤辛豬骨濃湯拉麵 $78。呢個好適合中意食辣的朋友，係少有日本拉麵做到咁辣😌湯底除左有層小小的辣油外，都有秘制辣醬比你撈埋一齊食。豬骨湯一樣濃厚，辣味係香辣，有小小似辣版七味粉的醬咁，幾有層次，同埋會令人上癮的辣。呢碗要左叉燒。叉燒係圓形個d的薄片，肥瘦大約50 50，口感軟淋得。個人會中意豬軟骨多d，口感

住左大埔噤耐都無嚟食過上次食完念念不忘今次試埋個芫荽拉麵湯好濃又夠熱真係勁正本身自己都係做飲食都係做拉麵店但呢度真係幾好食仲好食過我公司😬😬😬邊間就唔講喇😬😬唯一不足係店員得一個落單真係好慢出品都慢但理解見到麵檔得一個師傅又要做app其實老闆係咪應該請番足夠人手唔好做死啲伙記嗰日我1800去到1830已經爆曬塲但係都係得一個人做真係鄧佢啲伙記辛苦😪😪

大埔一鳴拉麵雖然開在一條小巷內,卻擁有寬敞明亮的用餐空間。店內裝潢簡約雅致,讓人感受到一股日式禪意。除了舒適的用餐環境，拉麵的質素亦有水準，自家黑蒜油拉麵湯底夠哂濃厚，食完一啖已經想再食下啖

自己一個想食好少少，揀左呢間隱世大埔小店，好有日本拉麵小店的裝修，店舖細細，食物質數幾好，雖然拉麵出名，今次試吓角切魚生丼飯，包括有魚生飯一碗，滿滿的刺身，好新鮮，有油甘魚，三文魚，飛魚籽，吞拿魚，雞蛋等，口感豐富，飯好酸度剛剛好，有麵豉湯、中華沙律、青瓜沙律，配上一杯玄米茶，感覺滿足。$88加1=$97

下雨的夜晚☔️條街涼浸浸，就想食有熱湯嘅食物，於是去咗一鳴食拉麵🍜以前嚟過幾次，裝修幾有日本拉麵店感覺，嘢食又唔錯，價錢又合理，於是又再嚟😌💛1️⃣今次試吓未食過嘅黑松露雜菇湯底拉麵（$88），拉麵揀咗幼麵（另有太麵），肉揀咗比較少見嘅選項：豬軟骨。黑松露湯底好香好濃厚，菇食落有牛油香，應該用牛油炒過，不過菇唔多；總的來說，湯底比預期更好味。幼麵幾彈牙，豬軟骨就好入味好夠冧，仲幾大舊。不過由於湯底同豬軟骨都偏膩，所以前三分二好好味，食到後三分一有啲濟。建議呢款湯底配返叉燒好啲🤓而飲冰水係有稍為解膩嘅🤣2️⃣再配咗土佐豆腐（$38），外面酥脆裡面嫩👍🏻配拉麵又幾夾😺埋單$139，價錢合理👌🏻

🎈一鳴拉麵大埔嘅一間隱世餐廳，拉麵相當高質，喺區內好出名㗎，最近仲供應午市定食套餐，價位大概$60-80，仲可以追加炸雞、餃子等🥟小食店員親切友善，比連鎖店多一份人情味，吸引唔少捧場客🎈豚肉生薑燒丼定食簡單美味嘅配搭🤤滿滿嘅豚肉鋪滿飯面，份量好足🥢豚肉厚薄適中，索晒醬汁好入味豚肉汁味道微甜帶點薑汁香氣🍱係幾惹味，啱晒送飯，仲可以特價加配小食，性價比好高🎈汁燒鯖魚丼定食鯖魚外皮香口，食到豐富魚油香🥢鯖魚大大條，肉質厚實得嚟好juicy，食得好滿足🫶🏼鯖魚會有幾條幼骨但唔影響整體口感，大推👍🏽米飯係用珍珠米，灑上飯素，再配搭漬物同味噌湯，感覺完滿🎈炸雞炸雞外層炸得黃金吸引，雞皮超香脆😍肉質軟嫩，加上蛋黃醬，十分滋味🎈唐揚豆腐豆腐外層薄脆唔油膩，內裡非常滑嫩，醬汁酸酸甜甜

我叫咗個原味嘅豚骨湯拉麵，麵底選擇咗細麵/普通硬度，配料叫咗豬軟骨。另外叫咗一個明太子芝士玉子燒。首先講一講拉麵湯底嘅味道，湯底味道比較濃郁，有香濃嘅豬油味道，質感比較厚。拉麵本身冇乜味道但因為湯底濃郁所以食起上嚟一啲都唔失色。豬軟骨正常。明太子芝士玉子燒我就略嫌有一點失色。首先玉子燒嘅處理非常好，熟嘅程度啱啱好有些少流質嘅感覺。食落去嘅時候都食得出中間夾咗嘅芝士，但芝士嘅味道略嫌不足，可以更加濃郁。另外明太子只靠面頭上嘅醬料味道比起芝士更加淡。但我覺得仍然係可接受範圍之內。總括而言，計埋價錢、質素在內，非常推薦呢間餐廳。

︎ 今日天色轉涼 最岩食啲熱辣辣的日式拉麵呢間小店距離大埔墟站大概10分鐘路程日式裝修 牆上有不同日本風格🇯🇵懷舊海報🏯拉麵一共有五款口味 另外仲有小食同飲品拉麵有不同喜好選擇可依照個人喜好係拉麵紙上圈住就ok喇♡⋯⋯食評⋯⋯♡ ☻ 4.5/5 ✨松露· 雜菌松露醬油豬骨濃湯$78會附上一碗雜菌配料 仲有一羹松露醬🤩聞到勁香松露香太麵比較有咬口 ✨赤辛· 秘製地獄醬豬骨湯底 $78豬軟骨真係好入味好濃味 重口味者大愛❤️好軟腍一咬就就散開 🤪湯底好濃郁好稠身 幼面掛哂汁唐揚豆腐（3件） +$18豆腐熱辣辣好嫩滑

天氣開始轉涼，都想食碗熱辣辣嘅麵，之前經過呢間「一鳴」見到排晒隊已經想試，今日見時間尚早未算太多人，終於有機會試了。有五款拉麵可以揀，午市可以加8蚊要飲品及18蚊要一款小食，仲免收加一，都算抵食。豬骨濃湯拉麵 :麵條揀咗太麵，配料可以揀豬軟骨或火炙叉燒，兩樣都想食嘅我決定加20蚊要晒。先試一啖湯，味道鮮甜濃郁，太麵比普通拉麵粗而有嚼勁，彎彎嘅麵條可以沾到更多湯汁，感覺更好味。兩款配料個人較喜歡豬軟骨，煮得好淋好入味，而叉燒肥瘦度啱啱好，經火炙後更香口，配埋溏心蛋及木耳絲，整體感覺好滿足。煎雞軟骨棒餃子 :喜愛雞軟骨嘅我，當然要試呢款餃子。餃子外皮煎得香脆，無乜油膩感，入口脆卜卜，好味道。

《大埔美食/大埔拉麵 一鳴拉麵🍜》🔹 紫菜櫻花蝦玉子燒🦐🥚 ($88）玉子好 高 質！！！！雖然單價比較貴，但好值得食😍 玉子燒得好實淨，唔係散修修，就算切開幾舊都唔會散😚醬汁&櫻花蝦同蛋好夾又有口感🩵 🔹豆腐 (free)豆腐好滑🩵配製嘅醬幾夠濃，但唔係喺口長留嗰隻~你食落口嗰刻係一閃即逝，令你想試真啲，一試就想食晒成舊🤣🔹黑蒜叉燒太麵🧄 （$85）拉麵有啲油🤏🏻食一碗已經好飽😂太麵硬度啱啱好👍🏻有咬口🩵叉燒唔錯，我好怕食到啲又韌又鞋嘅叉燒，但佢依舊入口鬆軟，一咬就溶🤤🤤🔹松露豬軟骨細麵🐷 ($88)松露好香😍😍😍 一拎到埋嚟已經撲鼻嗰隻🤤面頭仲有一羹松露醬🩵碗麵仲有雜菌🍄增加咗唔少嘅口感😍松露控大愛🤣不過豬軟骨好黏牙同好漏🤏🏻∴∵∴ ୨୧ ∴∵∴ ୨୧ ∴∵∴ ୨୧ ∴∵∴∴∵∴ ୨୧ ∴∵∴ ୨୧ ∴∵∴ ▫️後記✐服務態度好好！！▶ 因為當日人多，樓面得靚女店員姐姐一個👩🏻好忙，佢見我哋要自己斟水已經不停道歉，最後仲送個豆腐俾我哋食😂😂.聽靚女店員姐姐講，細麵會爽啲 幼啲，而太麵就有咬口啲，所以喜歡唔同口感嘅就知道自己點揀喇～.～～希望大家支持多啲小店 支持香港地😌～～.評分♡👅

想念日式拉麵的味道，於是去到大埔的一鳴拉麵用膳。為免人多，於是6:00準時到達，餐廳才剛剛開始晚市營業呢，幸好不用輪候。點餐紙很有質感，選項清晰列出，食客只需圈出心水配搭就可以。點了一碗雜菌松露醬油豬骨濃湯拉麵。首先最吸引的一定是那濃濃的松露香氣，令人食指大動，和雜菌也是非常搭調。可能是醬油的原因，令到整碗湯是黑漆漆的，非常特別。豬骨濃湯也令整碗拉麵提升到另一個層次。各款香氣令整碗拉麵非常吸引。選擇了太麵，很能掛湯。搭配豬軟骨作配料，煮得極為軟腍，但仍富口感，豬肉絲絲分明，中間軟骨細滑可口，大力推介。額外增添櫻花蝦，加強了口感和味道。素菜天婦羅包括冬菇、秋葵、甜薯和茄子，最欣賞外層脆薄，內裏蔬菜仍是濕潤細緻，不會很乾，又不會很油膩。