NUTTEA (鴻力工業中心)

Open Now

Now Closed

一向都好鐘情奶蓋茶，之前有同事推薦過呢間nuttea用堅果奶做奶蓋。叫左2杯奶蓋茶:伯爵堅果奶蓋茶同粉紅莓好堅果奶茶。本身對堅果奶冇乜好感因為通常堅果奶都好淡或者好似杏仁奶咁好青，但係呢道既堅果奶係mix左幾種堅果做成既，個奶蓋不但冇青味，仲好濃，同一般奶蓋冇乜分別，反而因為係堅果做既關係多左一重果仁香，而且好厚實，比起牛奶做既奶蓋，唔會因為熱力因為放耐左而溶化或者出現油水分離既情況，個人比較推薦伯爵堅果奶蓋茶，濃濃既奶蓋同伯爵茶配合得好好，加上唔會好2甜。雖然飲到最後都幾飽但比起普通奶蓋茶少左一份肥膩既感覺，而且nuttea係適合有乳糖不耐症嘅人飲，即使飲左肚仔都唔會唔會唔舒服。