Video
Read full review
2023-02-07
1041 views
✨日本米饗宴✨有冇人同小編一樣勁鍾意食日本米？係就啱晒啦，JFOODO同40間香港餐廳合作，今次嚟到朗豪坊分店嘅たまご園，試一試用日本米製作嘅美味菜餚！👍🏻沖繩琉香豚肉飯(配慢煮蛋）滿滿嘅豚肉經過炙燒之後，油脂滲入米飯之中，口感尚嫩。圓圓潤潤嘅珍珠米，食落去特別煙靭，米香出眾，配上慢煮雞蛋🥚將蛋汁攪拌落去，分外滋味。👍🏻牛油果三文魚親子生雞蛋拌飯上枱感覺非常夢幻，由蛋白打成的雲朵過份精緻，橘紅色的生蛋黃置中擺放，絕對有畫龍點睛嘅視覺效果。三文魚雖然切成碎粒，但都相當厚肉，入口油潤，牛油果🥑綿密清甜，加上日本米嘅配搭再附上飯素，難怪呢碗飯咁多人叫！👍🏻大阪燒風八爪魚捲大阪燒醬汁好香濃，加入木柴魚碎、紫菜、沙津醬，極具日本風味。八爪魚🐙都幾大粒，爽爽韌韌，口感都幾豐富，而且餐廳好貼心，原先已經分開咗幾少件，食落分割嘅步驟好容易。👍🏻松葉蟹肉玉子燒蛋 三大塊厚切玉子燒相當厚實，蛋味突出，又夠濕潤，配上一絲絲帶鹹香嘅松葉蟹肉，啖啖滋香。👍🏻沖繩黑糖咖啡疏乎里班戟空氣感十足嘅pancake，食落鬆軟，慢慢喺口腔中溶化。襯上沖繩黑糖糖漿，甜得來唔會過分膩，咖啡味都幾醇厚，而且襯上我最愛嘅厥餅(⁎⁍̴̛
✨日本米饗宴✨
有冇人同小編一樣勁鍾意食日本米？係就啱晒啦，JFOODO同40間香港餐廳合作，今次嚟到朗豪坊分店嘅たまご園，試一試用日本米製作嘅美味菜餚！
👍🏻沖繩琉香豚肉飯(配慢煮蛋）
滿滿嘅豚肉經過炙燒之後，油脂滲入米飯之中，口感尚嫩。圓圓潤潤嘅珍珠米，食落去特別煙靭，米香出眾，配上慢煮雞蛋🥚將蛋汁攪拌落去，分外滋味。
👍🏻牛油果三文魚親子生雞蛋拌飯
上枱感覺非常夢幻，由蛋白打成的雲朵過份精緻，橘紅色的生蛋黃置中擺放，絕對有畫龍點睛嘅視覺效果。三文魚雖然切成碎粒，但都相當厚肉，入口油潤，牛油果🥑綿密清甜，加上日本米嘅配搭再附上飯素，難怪呢碗飯咁多人叫！
👍🏻大阪燒風八爪魚捲
大阪燒醬汁好香濃，加入木柴魚碎、紫菜、沙津醬，極具日本風味。八爪魚🐙都幾大粒，爽爽韌韌，口感都幾豐富，而且餐廳好貼心，原先已經分開咗幾少件，食落分割嘅步驟好容易。
👍🏻松葉蟹肉玉子燒蛋
三大塊厚切玉子燒相當厚實，蛋味突出，又夠濕潤，配上一絲絲帶鹹香嘅松葉蟹肉，啖啖滋香。
👍🏻沖繩黑糖咖啡疏乎里班戟
空氣感十足嘅pancake，食落鬆軟，慢慢喺口腔中溶化。襯上沖繩黑糖糖漿，甜得來唔會過分膩，咖啡味都幾醇厚，而且襯上我最愛嘅厥餅(⁎⁍̴̛ᴗ⁍̴̛⁎)
👍🏻草莓雪糕特飲
餐廳嘅奶昔用上生蛋黃，飲落特別滑身，質感好厚，士多啤梨酸酸甜甜，而且混入左雲呢拿雪糕，味道邪惡得來絕對有滿滿嘅幸福。
👍🏻玫瑰鮮奶咖啡
正值情人節，餐廳推出一系列嘅帶有粉紅色嘅玫瑰味甜品同飲品。呢杯凍咖啡雖然冇拉花， 不過漸層做得好靚，面頭仲灑上玫瑰花瓣，飲落甜甜香香，帶有浪漫嘅氣氛。
Post
