Video
Read full review
2018-12-13
875 views
自從食過一次omakase之後，就愛上左，真係返唔到轉頭，一黎中意有驚喜既感覺，二來，食每一餐omakase 都起碼用個幾2個鐘，真係可以將平日急速既生活節奏放慢。 今次，比我地搵到金鐘呢一間鮨月，地方其實唔算好難搵，但由地鐵站🚇行上來都要10分鐘左右。店鋪雖然唔係好大，但感覺好親切舒服。因為我地食omakase，所以都係坐吧枱前面。今次揀呢一間鋪頭食既主要原因係佢既魚類品種比較新穎，好少機會喺出面見到。先黎前菜，前菜有眼仁奈刺生、鮟鱇魚肝、沢蟹。師傅刀功非常好，眼仁奈切得非常之薄，而佢既味道算係一d比較淡身既魚，岩哂做頭盤。鮟鱇魚肝 ，魚味香濃，口感細膩，食完過左一陣，味道仍然停留在口腔中。沢蟹，坐喺吧枱上見到有個魚缸養住d新鮮仲識郁既沢蟹，所以當自己要放入口既時候覺得有小小殘忍。而沢蟹炸左之後脆卜卜，但一d油都無，而且好香蟹味，只係要小心一d食，因為咬既時候會有小小吉。食完前菜黎到食厚岸蠔，蠔非常大隻而且十分肥美，蠔既面頭加左海葡萄，食既時候，忍唔住一啖放入口，非常鮮甜。師傅預先加入了檸檬汁，一d腥味都無。而海葡萄本身既鹹味，都唔會搶左蠔既鮮味。活北寄貝 非常爽口，而且味道香濃，師
今次，比我地搵到金鐘呢一間鮨月，地方其實唔算好難搵，但由地鐵站🚇行上來都要10分鐘左右。店鋪雖然唔係好大，但感覺好親切舒服。因為我地食omakase，所以都係坐吧枱前面。今次揀呢一間鋪頭食既主要原因係佢既魚類品種比較新穎，好少機會喺出面見到。
前菜
18 views
0 likes
0 comments
先黎前菜，前菜有眼仁奈刺生、鮟鱇魚肝、沢蟹。
師傅刀功非常好，眼仁奈切得非常之薄，而佢既味道算係一d比較淡身既魚，岩哂做頭盤。
鮟鱇魚肝 ，魚味香濃，口感細膩，食完過左一陣，味道仍然停留在口腔中。
沢蟹，坐喺吧枱上見到有個魚缸養住d新鮮仲識郁既沢蟹，所以當自己要放入口既時候覺得有小小殘忍。而沢蟹炸左之後脆卜卜，但一d油都無，而且好香蟹味，只係要小心一d食，因為咬既時候會有小小吉。
厚岸蠔
23 views
1 likes
0 comments
食完前菜黎到食厚岸蠔，蠔非常大隻而且十分肥美，蠔既面頭加左海葡萄，食既時候，忍唔住一啖放入口，非常鮮甜。師傅預先加入了檸檬汁，一d腥味都無。而海葡萄本身既鹹味，都唔會搶左蠔既鮮味。
活北寄貝
19 views
0 likes
0 comments
活北寄貝
非常爽口，而且味道香濃，師傅話可以點wasabi 食，乜都唔加同點wasabi 我都試過，我都係中意乜都唔加，咁先可以食到本身既鮮味😊
上面係拖羅赤身，下面中拖羅，中拖羅食落既感覺比赤身拖羅較肥美，有一種入口即溶既感覺，而且2款拖羅一d筋都無👍🏾👍🏾
鱈魚白子
48 views
1 likes
0 comments
鱈魚白子，本身唔係好敢食。因為我知道佢係鱈魚既精囊，但因為佢蛋白質非常豐富，係女人既美膚之寶，食落好似豆腐一樣咁滑，但比豆腐更有質感，加上香蔥，味道更上一層。
壽司
135 views
1 likes
0 comments
之後到食壽司，所有壽司同刺身都一樣，師傅都已經調左味。 壽司有5款，包括縞曹以、伊佐木 、鰈、筋子赤蝦同炙燒大拖羅。
筋子赤蝦真係要大大推介，筋子大大粒，成舊壽司放入口，一咬，筋子既汁爆哂，非常鮮甜，而且赤蝦好新鮮，十分爽滑，兩者味道非常夾，口感好豐富。炙燒大拖羅同鰈都係火燒過，所以食落十分香口。燒完既大拖羅更加入口即溶，非常香滑。
食哂冷盤之後就到食串燒，串燒有煙肉蘆筍串同銀杏串，因為我本身都麻麻地銀杏，所以都覺得佢味道一黎。而煙肉蘆荀串反而好好味燒左既蘆荀好juicy👍🏾👍🏾
軟骨餃子
23 views
0 likes
0 comments
而軟骨餃子煎到好脆身，襯熱食既時候有卜卜脆既感覺，咬落去既軟骨好有口感。
櫻花蝦
21 views
0 likes
0 comments
櫻花蝦，新鮮炸起熱辣辣，粉漿唔會太厚，而且蝦味濃，分足料。
汁燒牛扒
12 views
1 likes
0 comments
汁燒牛扒，牛扒雖然簿身，但都充滿了牛味，而且肉質腍嫰，加埋燒汁，更加好味👍🏾
明太子烏冬
17 views
0 likes
0 comments
明太子烏冬，成個烏冬都充滿了明太子醬。但又唔會覺得個烏冬辣，而且非常惹味，只係厭烏冬份量唔夠多，食到我唔夠喉🙈
福崗柿
15 views
0 likes
0 comments
最後甜品係福崗柿，聽師傅講係空運到講，唔駛講，味道一流🤭🤭又香又甜又美味。
串燒
17 views
0 likes
0 comments
拖羅
15 views
0 likes
0 comments
Post
