Urban Coffee Roaster (Fashion Walk)

Open Now

Now Closed

非常非常非常中伏！雖然環境同服務算OK，但食物非常之差，呢幾年食過最差冇之一，唔會有下一次。一份卡邦尼意粉，卡邦尼醬好似隔夜攞出來咁，啲醬似未解凍好一粒粒，又粉滋滋嘅口感，但都勉強算食得落肚。軟殼蟹飯真係痴線：1.啲飯似係隔夜雪過再用微波爐返叮，又硬又乾仲多飯焦；2.啲飯多到成兩碗咁多；3.飯上邊嘅配菜整得好求其、好肉酸、好九唔搭八，食兩口就好滯…點解會有一個廚師做得咁冇水準…真係不知所謂…好評唔知點來。完全食唔到個軟殼蟹飯，最後退咗，換返一個新嘅意粉，除咗偏酸之外，都算食得落肚，但整得都係好樣衰，賣$80以內可以接受。