海街丼 (E-Max) (Closed)

已經好耐無黎過E-Max食野，一黎地點唔就腳，二黎無咩店舖行街，三黎無咩人流好啦！咁屋企人上網搵到呢間日本野，睇到OR d食評都講得唔錯，所以試下啦！我地叫左：醬油菠菜 $28唔好以為睇相都大碟，實質隻碟同我手掌唔計手指位差唔多大，佢一上枱我地4人對望，我諗一個人食都唔夠撩牙!由於有兩位比較細食，所以叫左3個丼飯海寶丼（特上）$210 呢個丼飯又係不得了，除左你見到上面完整既有海膽2舊半，蟹肉，帶子，甜蝦2隻，三文魚子，其餘鋪底既就係角切魚粒，青瓜，鰻魚絲，蜆肉，熟帶子絲首先全碗野除左海膽同三文魚子，無一樣係鮮味，都唔知食緊乜野，淡茂茂，蟹肉無味，果2隻蝦仲細過我去放題食，我出面食個角切魚生飯都係幾十蚊，就算加埋你呢兩舊海膽唔使兩舊水吧唯一可以讚下既係個啫喱醋，加落d飯食好食好多，有番d味炸油甘魚 $60呢幾舊野比我想像中大舊，不過都係唔好食，炸都好乾麻醬吞拿魚 $58又係無魚既鮮味，麻醬亦無味 埋單$853人均$210，但食d咁既質素，我寧願食放題囉！呢間野唔會再有下次！