廚十三老壇酸菜魚 (譽發廣場) (Closed)

行行吓街突然之間好想食酸菜魚，見到OpenRice附近有間廚十三老壇酸菜魚，好似到幾唔錯咁！就同朋友嚟咗dinner😋泡椒鳳爪酸酸辣辣好開胃，口感又爽又有嚼勁，最鍾意食到得返啲骨🤣麻辣砵砵雞唔好以為剩係得雞，其實入面係有牛展，牛肚，牛脷，鵪鶉蛋，萵筍片，土豆片，雞腳，唔講真係會俾個名呃左，全部係一串串，咁拎住就食得好方便，仲要有好香嘅辣味！老壇酸菜魚係壓軸登場介紹嘅，因為呢個真係好推介大家一定要食，係我食過咁多間覺得最好味嘅酸菜魚，酸辣味道剛好，魚肉酸菜配料份量足料，魚肉無骨又滑嫩，仲要係好正宗嘅味道！