Donkey & Sheep (Closed)

之前都有嚟過donkey & sheep 食，覺得佢地個忌廉湯真係好好飲，同食物水準唔錯！事隔大半年，我地又嚟左donkey & sheep食。我地叫左一份晚餐以及一個意粉。職員向我地推介是日廚師推介，就係美國安格斯牛肉眼加魚子意大利飯 ($238) 我地見價錢同一份美國安格斯牛肉眼一樣，就選擇左廚師推介。意大利飯口感煙韌，魚子嘅份量亦不吝嗇。美國安格斯牛肉眼非常大塊，甚至大過手掌。而肉眼扒亦煮得恰當，肉心帶有嫩粉紅色，口感非常嫩。 另外叫左野菌乾蕃茄黑松露意粉 ($138)，忌廉汁均勻，帶有淡淡野菌黑松露味。深色一片片嘅係乾蕃茄，第一次食乾蕃茄，略嫌較酸。但整體意粉味道都算唔錯。