小魚兒 (寶漢大廈) (Closed)

小魚兒 係一間頗有名氣嘅麻辣鮮香川式烤魚餐廳 以烤魚為主打食品佢地提供唔同魚款選擇 口味豐富 仲可以自選辣度同麻度 如果你鍾意辣味＋烤魚，呢度絕對係你嚟銅鑼灣嘅好去處～.
🐷金鑽鳳梨綠
餐廳同樓下嘅一芳合作 所以嚟食飯可以用優惠價錢加購一芳出品嘅手搖架～清新嘅鳳梨味配上綠茶 一飲就解渴 味道鮮甜 非常開胃食烤魚始終都係一啲比較鹹嘅嘢食所以飲番杯解渴嘅嘢飲就最啱啦.
🐷炭火風味烤魚 江團魚
炭火風味烤魚係小魚兒嘅招牌菜式江團魚係其中一款選擇 條魚真係好大條 小編冇expect過咁大條。。。。啖啖都帶有炭火燒烤嘅香味同口感江團魚鮮嫩多汁 配上川式調味 雖然小編叫咗走啦但係都食到佢哋本身有嘅麻香～而且個底仲有少少寬粉 淨係呢個魚都已經喂飽好多個人.
🐷蒜蓉牛油澳洲龍蝦
蒜蓉牛油龍蝦係小魚兒嘅招牌海鮮菜式 新鮮嘅龍蝦肉質鮮甜 配上蒜蓉同牛油炒熟 濃郁嘅蒜香同牛油味道真心啖啖龍蝦肉都食得到勁香嘅蒜蓉牛油味每一口都帶有豐富嘅海鮮風味 絕對係海鮮愛好者嘅不二之選.x
🐷酸菜魚
晏晝黎食酸菜魚真係好鬼死抵 酸菜魚價錢唔貴而且份量都幾多 仲配一碗白飯魚肉非常之嫩滑 搭配酸菜等川菜調料 煮成一鍋鮮香味濃郁