土司工坊 (PopCorn) (Closed)

因為突然好想食肉骨茶同叻沙，所以我們就去咗呢間「土司工坊」食下午茶！我們買咗套餐分別有馬來西亞肉骨茶、星洲叻沙，炸鷄翼！但唔知點解炸鷄翼會變成炸鷄扒，而且炸到炸到又乾又硬，肉質非常粗「嚡」！煎雙蛋我們要求係太陽蛋，但出嚟嘅竟然係煎到全熟嘅蛋！星洲叻沙嘅湯底都算幾濃郁，但啲米線就淥到過份熟，質感極之腍身，差唔多完全唔需要經過咀嚼就可以吞到！而嗰幾片嘅所謂魚片，一啲都唔爽口彈牙，祇係食到有腥味，真係令我們覺得超級失望呀！