時光雞 (Closed)

聽聞屯門有一間炸雞超級好食，今次特登同朋友入到黎屯門，就係你試吓呢個炸雞有幾犀利。位於樂華大廈嘅時光雞，唔好睇佢細細間，好似一間小賣部一樣，但原來真係好多人排隊買炸雞食。主打香港人市場，炸雞風味都係啱晒香港人口味，炸雞有好多種唔同嘅味道，而且價錢十分 恰當，實屬抵食。我們點了時光芝士炸雞🍗，一盒有5件，炸雞口感外脆內嫩，好耐未食過咁正宗好味的炸雞，而且這個芝士醬也是難得在市面上吃到的，頗有驚喜。再點了份一口珍珠餃，$18/8件，價格同數量都非常划算，唔好以為普通餃子仔唔注重質量，呢著珍珠餃一樣好食，必食之一。再來牛小排餃子，真係唔好看小，裡面的牛肉口感煙韌，牛肉肉汁夠香，如果係大餐廳裡面吃，覺得可以賣更好價錢。來多個蟹肉忌廉薯餅，香脆的薯餅，加上忌廉混蟹肉，外脆內滑好好味。最後要多四件炸生蠔，雖然係炸，但原來生蠔也是分外新鮮，反而覺得炸生蠔來講，超級抵食。老闆係隔離仲開左間格仔鋪，方便大家等拿野食時可以逛逛不無聊，鍾意食炸雞的就千萬不要錯過，記得來試下時光雞啦。