hoo韓國包車

Open Now

Now Closed

好似去咗韓國嘅大排檔一樣，色彩繽紛嘅枱凳，大量玩味擺設，周圍都係打卡位。前菜係泡菜及醃芽菜，仲要係大大碟，非常開胃。每次食韓國嘢都一定會叫嘅醬油蟹，一般都係撈飯，原來簡單加上香脆嘅紫菜都非常惹味。而且非常多蟹膏，食落啖啖新鮮甘甜。海鮮煎餅食得多，第一次見有大大粒蠔的蠔×海鮮煎餅。用料好豐富，每粒蠔都非常大粒，加上八爪魚粒，韭菜同紅蘿蔔絲，令到口感同埋味道層次都非常豐富。五花肉燒到外層金黃，但唔會覺得乾。配上特製的韓式辣醬，再用新鮮嘅生菜包住，食落唔覺烤五花肉嘅油膩感。包左滿滿材料的紫菜飯卷，食韓國嘢必點。點左熱情果啤酒和芒果啤酒，仲有燒酒混合而成的熱帶雨林，果味香又唔會太甜，非常容易入口。