八時神仙草 (歌賦街)

Open Now

Now Closed

之前成日經過尖沙咀間【八時神仙草】見都要排隊，今次經過中環分店見人流比較少就去試左啦。店鋪位置較少，所以繁忙時間都有機會要等。抹茶焙茶奶蓋雪花盛盤：見差不多臺臺都叫呢個，梗係要叫啦。個雪花冰超級特別，係用仙草整成，啖啖都係仙草香味。同抹茶雪糕同焙茶奶蓋都好match。而底下有仙草凍，非常滑嫩。旁邊盛盤仲有芋圓、地瓜圓、白珍珠、紅豆同紫米。全部都真材實料，味道香濃。圓仔芒果嫩仙草盛盤：仙草分量好多，圓仔有D似白玉，可能芒果唔係季節所以唔算太甜，但都算唔錯。再加芒果醬，非常特別、清新爽口。焙茶仙草凍奶茶+桃膠：焙茶味超級濃、再加奶完全唔會覺得好水。料本身有仙草、白珍珠，好有咬口，自己再加桃膠，分量都好多。不錯芋泥西米奶凍：芋泥唔會太甜，芋頭味道香濃，奶凍同西米又幾特別同幾match。佢地既燒仙草同其他既與別不同，係高溫加熱既時候係液體狀態，但稍微放涼後則會慢慢凝結成凍。因為八時仙草為左減少外來添加物不添加鹼，反而係靠著仙草乾本身釋放出黎既膠質同熬煮八小時凝結成凍。所以口感非常嫩滑。