Video
Read full review
2021-01-22
314 views
聽觀眾嘅介紹去咗幫襯呢間超級抵食嘅良心泰國餐廳💛痴線勁平勁好食仲要性價比極高囉！一定要大推！.佢都係位於旺角嘅良心一條街通菜街💛喺條街上面有超多有良心嘅餐廳，但係因為佢嘅位置零零舍舍凹咗入去，所以好容易俾人忽略。.其實佢真係一間比較簡單嘅餐廳，環境簡單，裝修簡單，連餐牌都好簡單，其實佢主要賣四樣嘢，海南雞飯（$30），豬手飯（$30），芒果糯米飯（$18）同埋青木瓜沙律（$12），仲要四樣嘢都超級抵，我買晒四樣都係$90咋！Clssss!.以為咁平實有伏？咁你就大錯特錯啦，我想講係四樣嘢都好高質！十個正😍👍👍👍.首先梗係要食個木瓜沙律做前菜啦，分量少少但係一啲都唔hea, 每一條青木瓜絲都浸左入去佢哋自家製嘅泰色醬汁，好辣又好爽🤣.跟住試佢嘅海南雞飯，見到佢係黃油雞我個心都安樂啲，我好驚食果啲白色嘅泰式雞，隻雞浸得好靚，雞皮夠爽，雞肉亦都浸啱啱好唔會太稔而且好滑，點埋佢附送嗰隻泰式雞醬真心好味😋佢呢隻泰式雞醬同出面有啲唔同，佢有啲似響泰國食點蝦嗰隻青醬，但係用嚟點雞又係非常之夾！呢個重點係佢個黃色油飯，你都食得出佢嘅油飯絕對係水準之上，你會見到佢隻黃油飯入面有香茅，南薑仲有一啲好似月桂
.
佢都係位於旺角嘅良心一條街通菜街💛喺條街上面有超多有良心嘅餐廳，但係因為佢嘅位置零零舍舍凹咗入去，所以好容易俾人忽略。
.
其實佢真係一間比較簡單嘅餐廳，環境簡單，裝修簡單，連餐牌都好簡單，其實佢主要賣四樣嘢，海南雞飯（$30），豬手飯（$30），芒果糯米飯（$18）同埋青木瓜沙律（$12），仲要四樣嘢都超級抵，我買晒四樣都係$90咋！Clssss!
.
以為咁平實有伏？咁你就大錯特錯啦，我想講係四樣嘢都好高質！十個正😍👍👍👍
.
首先梗係要食個木瓜沙律做前菜啦，分量少少但係一啲都唔hea, 每一條青木瓜絲都浸左入去佢哋自家製嘅泰色醬汁，好辣又好爽🤣
.
跟住試佢嘅海南雞飯，見到佢係黃油雞我個心都安樂啲，我好驚食果啲白色嘅泰式雞，隻雞浸得好靚，雞皮夠爽，雞肉亦都浸啱啱好唔會太稔而且好滑，點埋佢附送嗰隻泰式雞醬真心好味😋
佢呢隻泰式雞醬同出面有啲唔同，佢有啲似響泰國食點蝦嗰隻青醬，但係用嚟點雞又係非常之夾！呢個重點係佢個黃色油飯，你都食得出佢嘅油飯絕對係水準之上，你會見到佢隻黃油飯入面有香茅，南薑仲有一啲好似月桂葉嘅物體，可以見到佢係用咗好多材料心機去煮呢個油飯，而且勁香得來又夠乾爽，可算係我食過暫時最高質嘅油飯，非常正宗地道，當一口飯一口嫩滑嘅雞肉真係超級幸福！.
另外佢嘅豬手飯亦都係驚艷到我，同樣買$30嘅豬手飯你見到佢份量真係非常之多，去骨豬手肥瘦分佈分明適中，而炆得非常之入味同埋軟稔，可說是入口即溶，而且佢配豬手嘅醬汁同配海南雞嘅醬又唔同，點豬手醬係比較酸一啲嘅，有助消除油膩感覺，真係非常之講究，加上佢都係配高質油飯，雖然一餐食兩個飯但係我係清晒，一粒不剩，仲想繼續食啊😍😛
.
個芒果糯米飯可以係飯後甜品🍮本來以為$18佢會揸流攤，點知都有大大片芒果，雖然唔算好甜，下面嘅糯米飯仲要係雙色添呀，紫米再加白糯米多重口感，加埋椰奶香甜軟糯好味到爆啊😍😍
.
呢個價錢比到呢個質素我真心讚嘆同Respect!我終於明白佢選擇唔需要多，只要專心做好咁就夠啦，有良心仲要咁正宗同咁高質邊夠你玩呀。最開心勁近我屋企🥳我以後嘅飯堂又多一間啦！
.
店名：曼谷水門海南雞飯 💛
旺角通菜街1A-1L號威達商業大廈地下M號舖
Post
