人和月雞煲火鍋店 (Closed)

今日朋友book左人和月雞煲住食火鍋，未出發之前朋友已經話好抵食，當我哋去到坐低，環境舒適，員工有禮。頭盤選擇都多有酸菜魚，又有雞煲，又有韓國芝士雞，但係我哋依然選擇左佢哋嘅招牌麻辣雞煲，一上枱已經聞到一陣陣嘅雞煲香味，食落去辣辣地，啲雞唔會好乾，唔會好鞋。而且份量啱啱好，食完之後幫我哋換咗個火鍋湯底有辣有唔辣，而且放題來講，佢嘅選擇都比較多。佢哋嘅火鍋主力係食牛，最重要嘅係出邊嘅放題通常都只係有肥牛，但係佢哋嘅牛有唔同嘅部位，就連我最鍾意食嘅牛白肉，都有，選擇又多又新鮮，真係值回票價，而且仲未完，佢哋仲會有當日嘅時令海鮮，全部都好新鮮，唔係雪藏嘅，最緊要嘅仲係任食。至於菜嘅方便，自己可以出去夾，食完之後總會有自助甜品，選擇都好多㗎，有而家最多人鍾意食嘅護院，又有仙草同埋豆腐花，食完之後真係個個都攬住個肚走。