申子居酒屋

Open Now

Now Closed

好耐冇出去食好西啦，係時候氹下自己啦。喺黑布街附近其實收埋好附小店都令人有驚喜，今晚就想食下日本嘢，見佢個門面好大，又幾靚，一於試試佢。一嚟叫左個燒牛舌芯先，真係超好食，厚切但中間好嫩，好juicy。簡簡單單配左4款調味俾你揀，全部都係可以更加吊出牛肉嘅鮮味，超推薦。然後就食左個蓬鬆玉子，我一開始以為係玉子燒。但切開就知道原來係滑蛋，佢用左日本蛋做，所以好香蛋味，唔錯。然後就叫左個申子新捲。好特別嘅係佢中間包嘅係炸魚皮，超級脆卜卜，好好味好特別。面頭嘅吞拿魚，海膽同魚子，好鮮，口感好豐富，呢個都係超推薦。然後叫左個鍋物係廣島蠔鍋，嚟到估鍋都幾精緻。但估唔到佢鍋仔細細，入面有6隻咁大嘅廣島蠔，肥嘟嘟脹卜卜，唔錯架。而佢個湯係乳白色，原本應該好鮮甜，但係佢呢個調味比較偏甜，如果可以以咸鮮為主會更好。最後叫左個烤甜薯做甜品，超級好味，個蕃薯本身甜，再加埋面頭脆卜卜嘅焦甜，超級好味，又係極推薦。呢度唔係特別平，但係質素有保證，有佢嘅性價比喺度，唔錯。