雅閑泰

Open Now

Now Closed

嘢食唔錯之餘，服務態度都好好雖然當天因為落雨嘅關係冇咩人客堂食，但係不斷見到好多老闆娘嘅熟客仔叫外賣，睇得到佢同客人同埋員工嘅交流都好好，係一個好好嘅老闆，加油啊，香港就靠你哋❤️雖然呢個位置唔算方便，但真係好多人叫外賣，證明佢真係好食，仲要好多都同老闆娘好熟，感覺好有人情味嘅餐廳生蝦刺身生蝦大隻，新鮮爽口每一隻都有辣椒同埋蒜頭，點埋佢嗰個生蝦醬更鮮，鍾意生蝦一定唔好錯過恐龍蛋 佢寫住百花釀皮蛋，其實係炸蝦餅釀皮蛋食落去外皮香，入面皮蛋配搭一齊幾夾，又唔會蓋過咗其中一方嘅味道，香口得來又唔會油膩，精緻好睇又好食蛋花黃咖喱大蜆咖喱配大蜆真係不得了，蜆肉大粒，咖喱份量多，第一次見咖喱有蛋花，但係咖喱嘅味真係香，個汁我相信配飯都好正，但係我就配咗最愛嘅蒜蓉包無邊界蒜蓉包 我真係超鍾意食蒜蓉包，佢嘅蒜蓉包好香好多蒜蓉好足料，最緊要係外皮香脆中間軟腍腍，出色點咖喱一流新鮮椰青泰國一定第一時間諗到椰青，椰青鮮甜好飲解渴，真係必飲芒果糯米飯脆脆 芒果熟嘅程度啱啱好 糯米飯口感軟糯 配搭紫米 唔會好甜 都唔會好似平時咁哽胃外觀好睇，仲有斑斕椰汁糕同椰青糕環境都坐得舒服，最緊要係佢服務質素真係好好，嘢食味