潮庭 (新城市廣場) (Closed)

在沙田想食潮州菜都冇乜選擇，只有在新城市廣場的這一間， 碰巧星期日到新城市廣場逛街，就到這間潮州菜館吃午飯。食潮州菜，總會試佢嘅蠔仔烙、蠔仔粥、潮州粉果、 再加個XO醬炒蘿蔔糕、雞絲春卷、蛋散就夠哂食。迷你煎蠔烙非常油膩，上枱時幾乎不敢下箸，最後只揀蠔仔吃，因為太太太……油。蠔仔粥蠔仔肉碎份量都夠，但個粥底好似用飯煮粥，唔似係潮州粥。XO醬星洲炒蘿蔔糕好油，蘿蔔糕亦無乜味， 只係有少少XO醬味。雞絲春卷春卷夠脆，味道唔錯。潮州粉果味道好， 唯一缺點係花生好淋，唔夠脆。蛋散夠鬆化，但無蛋味，因糖膠太多，所以非常甜。