超級無敵車仔麵

Open Now

Now Closed

依間車仔麵喺西灣河都好耐歷史啦，聽朋友講佢細細個就已經喺度食，嗰陣時質素雖然冇而家高但係價錢好平。今日聽佢介紹就試吓依間車仔麵，依間車仔麵嘅選擇真係多，不論係菜類肉類粉面定係湯底，都有好多選擇，搞到我都有啲選擇困難症。每次食車仔麵我都會嗌豬皮，如果有豬紅都會嗌，因為豬皮可以吸晒湯底嘅精華，夠晒入味，口感又唔差，我鍾意豬紅好似豆腐嘅質地，但係偏硬嘅口感，呢種感覺啱啱好，湯底有好多選擇如果你鍾意食辣嘅可以揀辣嘅湯底，唔鍾意食辣嘅都有好多湯底俾你揀㗎！