加勒比海餐廳 (Closed)

一行八人晚飯加傾計，揀選了這家好耐以前幫趁開的樓上咖啡室 － 加勒比海…點了晚餐肉醬意粉及凍 MOCHA，肉醬意粉送到時心想…好似平時食開的波仔 － 份量當然無波仔咁多了。輪到飲品，間舖既然叫得做 CAFE，咖啡照計唔會差得去邊，好可惜呢個觀念係錯o既！望住店員送上的一杯奶白色的凍 MOCHA 已心中一沈，啜一啖，感覺好似飲緊一杯洗唔乾淨，仍殘留住上手飲完帶點淡淡咖啡味的冰凍洗杯水，唉…食物差勁，飲品又唔得，店員態度會唔會好少少？對唔住！唔會！朋友到櫃面揀 CUT CAKE 時笑笑口問店員：“呢隻好唔好食架？” 店員悔氣地回答：“洗唔洗比你試下？” O 晒咀…其實求其回覆一句：“幾好食架…” 係唔難架喎？點解硬係要揀唔好聽果句黎講？無樣好…咁衰極都仲叫有網上卦？誰知… WIFI 係攞唔到 IP o既…究竟點解以前好地地的一間 CAFE 會變成咁？