德朗甜品

Open Now

Now Closed

一間超級難食嘅甜品舖。叫咗芒果拿破崙切餅，叫嘅時候已經問個女仔係咪新鮮，係咪脆，佢答我係，結果上到枱，絕對唔係拿破崙切餅，攞三條喺超級市場買嘅酥餅，仲要係唔新鮮唔脆，只係喺上面節一啲好難食嘅吉士，加一個全部都係冰嘅益力過多雪糕球，然後就扮拿破崙切餅，仲要買$65 ，超級中伏，簡直離晒大譜。另外叫咗一個Oreo窩夫，又係難食到嘔，仲要$59 ，塊窩夫又乾又冇味，佢自家製嘅紫薯雪糕亦非常難食。從來未食過一間咁難食嘅甜品店，可能佢嘅什麼台灣甜品好食，但係千萬唔好叫西式甜品，不過我去過一次，以後唔會再幫襯。