泰 (銅鑼灣廣場二期) (Closed)

今晚約左個好耐無見嘅朋友食飯，佢好中意泰國菜，我就揀左銅鑼灣呢間泰，我地唔想諗食咩，見二人餐好抵食就叫左，太多嘢食我地都要外賣番屋企。明爐椰汁雞湯椰汁味香濃，奶白色的雞湯十分甜，雞肉仲好嫩滑。青木瓜沙律份量多，青木瓜爽脆，酸酸甜甜幾開胃。泰式串燒我地要左兩串牛肉兩串豬肉，一定要趁熱食，沾滿花生醬超級惹味。海南雞半隻肉質嫩滑，一點都唔鞋，雞皮爽口。泰式炒雜菜有鑊氣，少少辣辣地，好食。泰式鮮蝦炒金邊粉鮮蝦大隻肉質爽口彈牙，金邊粉酸甜加左好多配料口感豐富。芒果糯米飯我地餐可以另加$28就有一個甜品，芒果香甜，加上熱辣辣軟糯嘅糯米飯再加椰漿真係大滿足。椰青清甜可口，透心涼，椰肉仲可以刮出黎食。