Video
Read full review
2012-03-11
1347 views
12月13日, 因為夜晚睇戲想食下小食, 所以晚飯就搵d唔係咁full嘅野食~ 諗起食常餐就會啱啱好, 就嚟咗呢間以北海道牛乳炒蛋出名嘅港日式茶餐廳~ 我地之前食過中環嘅, 食物特別之餘味道都唔錯, 今晚試下佢地嘅第一分店先~::: 北海道套餐 ::: $36 + $2正常地呢個全店推介套餐我地唔可以唔叫, 上次我地都有食~ 炒蛋同樣地都係以滑見稱, 個滑溜感真係一切開個蛋就有d蛋醬流出嚟~ 蛋味十分豐富, 不過都係唔係好食得出牛乳味. 火腿好似比之前細塊咗, 味道都係一塊普通火腿咁, 唔算特別. 要讚下厚多士嘅牛油一d都唔孤寒, 仲搽得好均勻, 牛油味豐富嘅多士更加出色, 麵包夠香, 不過唔夠脆. 叉燒通粉嘅叉燒明顯份量少咗, 亦比較細粒, 味道同燒味店嘅差唔多. 要讚嘅始終係佢嘅湯底, 好夠thick好似忌廉湯, 味道真係十分濃郁, 一路食通粉一路飲埋d湯一滴不漏~凍咖啡應該都加咗北海道牛乳, 咖啡味道幾夠, 奶味都好足, 幾平衡, 唔錯~::: 公司三文治 ::: $35本身唔想食多一個餐咁飽, 就揀個小食食啦~ 以為呢個公司三文治係細細件, 唔慌大得去邊, 點知嚟到先知大件事!
::: 北海道套餐 ::: $36 + $2
正常地呢個全店推介套餐我地唔可以唔叫, 上次我地都有食~ 炒蛋同樣地都係以滑見稱, 個滑溜感真係一切開個蛋就有d蛋醬流出嚟~ 蛋味十分豐富, 不過都係唔係好食得出牛乳味. 火腿好似比之前細塊咗, 味道都係一塊普通火腿咁, 唔算特別. 要讚下厚多士嘅牛油一d都唔孤寒, 仲搽得好均勻, 牛油味豐富嘅多士更加出色, 麵包夠香, 不過唔夠脆. 叉燒通粉嘅叉燒明顯份量少咗, 亦比較細粒, 味道同燒味店嘅差唔多. 要讚嘅始終係佢嘅湯底, 好夠thick好似忌廉湯, 味道真係十分濃郁, 一路食通粉一路飲埋d湯一滴不漏~
凍咖啡應該都加咗北海道牛乳, 咖啡味道幾夠, 奶味都好足, 幾平衡, 唔錯~
::: 公司三文治 ::: $35
本身唔想食多一個餐咁飽, 就揀個小食食啦~ 以為呢個公司三文治係細細件, 唔慌大得去邊, 點知嚟到先知大件事! 嘩堆到成個蛋糕咁, 份量直頭拍得住成個餐! 多士係厚切唔在講, 炒蛋都成兩寸厚, 加埋已經堆到成座山~ 仲要加埋叉燒、火腿、午餐肉同芝士, 真係一個大雜燴咁~ 啖啖肉你都咪話唔滯… 但係真係好充實, 真材實料, 蛋味肉味芝士乜都有~ 不過多士都係唔係好夠脆, 烘燶多少少會更好. 呢個份量真係足2人食~
今次誤打誤撞之下食到個咁好食嘅公司三文治, 超級驚喜~ 不過服務係需要改善嘅, 唔係太識得做, 收銀手腳又慢~
Post
