Video
Read full review
2024-05-24
48 views
一直都勁想食呢間麻辣風雲，前排終於抽出時間去試吓佢嘅嘢食啦！我淨係想講，佢嘅嘢食真係唔單止靚，而且真係好好食，基本上冇一樣嘢係唔好食！首先就梗係要叫招牌荔枝蝦球，一上枱嘅時候勁多煙，因為佢底下有加入乾冰，所以煙霧瀰漫，非常之適合打卡，好好睇。🥰🥰同時佢嘅口感亦都好好，裏面係蝦球，外邊係穀物片，有少少荔枝味，再加埋嘅甜醬，非常之好食，個人覺得係值得一試！💞💞我仲叫咗佢鴛鴦雞煲，有田雞同埋正常雞混合咗喺同一個雞煲度。個人覺得雞件煮耐左少少，但係田雞嘅肉質好嫩滑，而且佢辣嘅程度係啱啱好，非常之惹味。另外佢晏晝去食嘅時候，仲可以用午市套餐嘅價去買！如果你午市嘅時候去嘅話，佢啲嘢食其實都幾平下，就好似個夫妻肺片，都只係30幾蚊。另外佢嘅炸饅頭都非常之好食，外脆內軟，再加埋煉奶，真係好似食緊甜品咁，好正 😋😋😋講到甜品，我就一定要提埋佢嘅紅棗心太軟，佢煙煙韌韌，甜甜地幾好食，不過依一個一定要趁熱食，凍咗嘅話就會黐埋一齊🤣
首先就梗係要叫招牌荔枝蝦球，一上枱嘅時候勁多煙，因為佢底下有加入乾冰，所以煙霧瀰漫，非常之適合打卡，好好睇。🥰🥰
同時佢嘅口感亦都好好，裏面係蝦球，外邊係穀物片，有少少荔枝味，再加埋嘅甜醬，非常之好食，個人覺得係值得一試！💞💞
我仲叫咗佢鴛鴦雞煲，有田雞同埋正常雞混合咗喺同一個雞煲度。個人覺得雞件煮耐左少少，但係田雞嘅肉質好嫩滑，而且佢辣嘅程度係啱啱好，非常之惹味。另外佢晏晝去食嘅時候，仲可以用午市套餐嘅價去買！
如果你午市嘅時候去嘅話，佢啲嘢食其實都幾平下，就好似個夫妻肺片，都只係30幾蚊。
另外佢嘅炸饅頭都非常之好食，外脆內軟，再加埋煉奶，真係好似食緊甜品咁，好正 😋😋😋
講到甜品，我就一定要提埋佢嘅紅棗心太軟，佢煙煙韌韌，甜甜地幾好食，不過依一個一定要趁熱食，凍咗嘅話就會黐埋一齊🤣
Post
