Video
Read full review
2018-05-18
470 views
最近係媽媽嘅生日，於是就豪洗一筆請佢食佢最鍾意嘅日本野，雖然價錢唔平，但係味道果然對得住個價錢我地2個都食得非常開心。店內環境舒服清靜，岩晒慢慢食同傾計。前菜分別有高野豆腐、蕃茄伴蛋黃醬同埋牛蒡絲。高野豆腐食落似冷藏豆腐嘅質感，但係冇咁硬，就好似海棉咁吸左好多汁，咬落就放番晒出黎，口感同味道都非常新鮮。而蕃茄就非常清甜，冇平時食蕃茄嘅果種腥味。牛蒡絲食落非常脆，食落酸酸地咁相當開胃。之後就到刺身拼盤了，分別有水八瓜魚、真鯛、牡丹蝦同埋八爪魚嘴。係香港好難食到好食嘅八爪魚刺身，而呢度嘅八爪魚就係難得嘅其一。 呢度嘅水八爪魚非常有咬口，唔會好似平時係放題食到果啲咁咬極都唔爛。真鯛 屬於味道較淡嘅魚生，慢慢咀嚼下就會食得出鯛魚嘅鮮美。呢度嘅牡丹蝦係我食過最好食嘅牡丹蝦，沒有之一! 師傅將蝦腦釀入去蝦肉入面，一齊食嘅時候有濃郁嘅蝦膏味，非常鮮美。之後嘅五款壽司分別係帶子、深海池魚、海鰻、春魚同衣木鯛。 帶子相當厚身，咬落滿滿都係帶子獨有嘅清甜味。而深海池魚對比起平時食到嘅池魚幼滑同鮮甜，感覺非常新鮮。海鰻則有濃郁嘅鰻魚味，食落非常肥美好食。 春魚同衣木鯛味道相似，而春魚口感則入口即溶，兩者都相
店內環境舒服清靜，岩晒慢慢食同傾計。
前菜分別有高野豆腐、蕃茄伴蛋黃醬同埋牛蒡絲。高野豆腐食落似冷藏豆腐嘅質感，但係冇咁硬，就好似海棉咁吸左好多汁，咬落就放番晒出黎，口感同味道都非常新鮮。而蕃茄就非常清甜，冇平時食蕃茄嘅果種腥味。牛蒡絲食落非常脆，食落酸酸地咁相當開胃。
之後就到刺身拼盤了，分別有水八瓜魚、真鯛、牡丹蝦同埋八爪魚嘴。係香港好難食到好食嘅八爪魚刺身，而呢度嘅八爪魚就係難得嘅其一。 呢度嘅水八爪魚非常有咬口，唔會好似平時係放題食到果啲咁咬極都唔爛。
真鯛 屬於味道較淡嘅魚生，慢慢咀嚼下就會食得出鯛魚嘅鮮美。
呢度嘅牡丹蝦係我食過最好食嘅牡丹蝦，沒有之一! 師傅將蝦腦釀入去蝦肉入面，一齊食嘅時候有濃郁嘅蝦膏味，非常鮮美。
之後嘅五款壽司分別係帶子、深海池魚、海鰻、春魚同衣木鯛。 帶子相當厚身，咬落滿滿都係帶子獨有嘅清甜味。而深海池魚對比起平時食到嘅池魚幼滑同鮮甜，感覺非常新鮮。
海鰻則有濃郁嘅鰻魚味，食落非常肥美好食。
春魚同衣木鯛味道相似，而春魚口感則入口即溶，兩者都相當好食。
燒豬頸肉就食得多，燒雞頸肉就只係係呢度食過。呢度嘅雞頸肉係用走地雞製成，頸部嘅肉屬於活肉，比起其他部位嘅肉會較為嫩滑，食落外脆內軟。
跟住就到呢個小長井蠔刺身，同平時食到嘅生蠔唔同，日本嘅生蠔往往較大隻同有肉地，而呢隻小長井蠔亦一樣。小長井蠔邊有金黃色嘅小酸珠，取代左平時食生蠔落嘅檸檬汁，生蠔食落非常鮮美，完全冇平時食蠔嘅果種腥味，有嘅只係甜味，非常新鮮。
之後就有海膽壽司、 赤貝卷、 赤貝壽司、 燒拖羅同左口魚邊壽司。赤貝壽司係用師傅岩岩開嘅赤貝製成，食落非常新鮮爽口。 海膽壽司所用嘅海膽亦非常之新鮮， 食落有非常濃郁嘅鮮甜味。 左口魚邊燒至半生熟， 入口有香濃嘅魚油，非常肥美。
最後呢個吞拿魚飯上面鋪滿咗吞拿魚粹，味道相當鮮美。
整體而言呢次廚師發板所有嘅食材都非常新鮮， 亦睇得出廚師係用心咁樣去配搭過所有嘅食材，非常值得推薦。
Post
