Veggie4love

Open Now

Now Closed

襯住今日係紅日假期，同兩個朋友去中環Veggie4love 試下素食。餐廳環境好特別，有好多懷舊特式擺設，感覺好似去左外國。我地叫左兩款小食，兩款burger，一個主菜，三杯drink🧋☕️🍹⭕️炸豆腐串伴泰式甜辣醬⭕️北京烤片⭕️素漢堡扒伴惹味燒烤醬⭕️香脆大豆炸餅伴香蒜牧場沙律醬及車打芝士漢堡⭕️素海南雞伴黃薑油飯⭕️檸檬鐵觀音⭕️Mixed Berries Soy Shakes全部都好高質🥰個炸豆腐串外層超脆，口感好似臭豆腐，加埋d香料莞荽同泰式辣醬，超級惹味。而北京烤片個素鴨肉口感超似真正既北京填鴨，完全唔似素食。至於兩個Burger 都好足料，漢堡包皮超鬆軟，素漢堡扒咬落去都好似真漢堡咁，只係無肉既油脂。而大豆炸餅漢堡好好味，加埋個沙律醬同車打芝士勁juciy，最正係素Burger 無咩油膩感。另外，海南雞飯個油飯好黏口，而且唔油，相對比較健康，海南雞個質感都幾似真雞肉，加埋d醬汁同傳統海南雞飯無咩大分別。我地仲試左杯檸檬鐵觀音同雜苺奶昔。檸檬鐵觀音比起傳統凍檸茶淡味，味道較為清新，幾特別，而雜苺奶昔一d都唔甜，勁重乳酪味。整體黎講，餐廳環境同食物都好出色，誠意推介。