Video
Read full review
2015-03-23
454 views
最近經過鰂魚涌，發現有間新開的日本居酒屋，見到已經蠢蠢欲動想入去試。今日終於有時間可以去試了，門面見到都幾有心機，信心都翻左d嚟，話曬都係新開張，又咁偏僻。入到去，鋪面還不算大，不過勝在夠私密，三五知己都可以係度傾下計，大聲笑都唔會擔心影響到，私人聚會幾好的。侍應個個見我地入到嚟，即刻幫我地拉凳啊，同行有女孩子，感覺服務態度幾好。話曬係居酒屋，唔需要太拘束，老闆都係好家常咁同我地聊天，佢仲話當自己屋企得啦，真係好搞笑，跟住佢真係係雪櫃摞野俾我地飲，真係好似去左fd屋企食野咁。睇左個餐牌，好快咁點左平時中意食的野。開始，嚟個沙律先啦，日本野好唔好，一入口就知道，菜同三文魚都好fresh，好明顯入貨新鮮啦，老闆話佢地雖然係細鋪頭，但都要保持個食物質素，不過我都係相信自己條俐。唔好講咁多，食左個南瓜天婦羅先，入口以為好淋，點知係外脆內軟，硬到岩岩好，好香ge南瓜味，我食埋我朋友果份tim啊，點埋個汁，酸酸甜甜咁，好開胃。食食下，我地問啊老闆仲有咩好食啊？老闆好有信心咁叫我地試燒物！好！就信你啦，跟住佢燒左個牛俐，睇落無咩特別啊！食左先，一食變知豬定牛，佢同出面唔同ge地方係唔係燒到好乾，Ju
最近經過鰂魚涌，發現有間新開的日本居酒屋，見到已經蠢蠢欲動想入去試。今日終於有時間可以去試了，門面見到都幾有心機，信心都翻左d嚟，話曬都係新開張，又咁偏僻。
入到去，鋪面還不算大，不過勝在夠私密，三五知己都可以係度傾下計，大聲笑都唔會擔心影響到，私人聚會幾好的。侍應個個見我地入到嚟，即刻幫我地拉凳啊，同行有女孩子，感覺服務態度幾好。
話曬係居酒屋，唔需要太拘束，老闆都係好家常咁同我地聊天，佢仲話當自己屋企得啦，真係好搞笑，跟住佢真係係雪櫃摞野俾我地飲，真係好似去左fd屋企食野咁。
睇左個餐牌，好快咁點左平時中意食的野。
開始，嚟個沙律先啦，日本野好唔好，一入口就知道，菜同三文魚都好fresh，好明顯入貨新鮮啦，老闆話佢地雖然係細鋪頭，但都要保持個食物質素，不過我都係相信自己條俐。
唔好講咁多，食左個南瓜天婦羅先，入口以為好淋，點知係外脆內軟，硬到岩岩好，好香ge南瓜味，我食埋我朋友果份tim啊，點埋個汁，酸酸甜甜咁，好開胃。
食食下，我地問啊老闆仲有咩好食啊？老闆好有信心咁叫我地試燒物！好！就信你啦，跟住佢燒左個牛俐，睇落無咩特別啊！
食左先，一食變知豬定牛，佢同出面唔同ge地方係唔係燒到好乾，Juicy得嚟仲好有牛味，我一個人都食左一串，再加點！
其實今次仲試左好多野，爽甜新鮮的日本生蠔(收到風話係空運到港)，黃金帶子，炸雞軟骨...
掛住食唔記得影相！
Other Info. :
建議咁多位為食之人，自己帶埋酒水去，因為食燒物點可以無清酒送呢？
(The above review is the personal opinion of a user which does not represent OpenRice's point of view.)
Post
