牛品台式火鍋

Open Now

Now Closed

我同朋友都好鍾意食火鍋，因為食火鍋可以邊食邊吹水。然後我哋發現咗呢間台式嘅火鍋餐廳，放題120分鐘，所有嘢食都係任食，無限任食美國頂級牛肉，西班牙豬肉，仲有其他台式美食，真係物超所值。湯底我哋首選牛品麻辣鍋，我哋都好鍾意食辣，所以呢個麻辣鍋令我哋食得好滿意。【肉類】-美國頂級肩胛肉-西班牙栗飼豬五花-美國牛胸腹-新西蘭羊卷肉-西班牙栗飼豬梅肉佢哋嘅肉類色澤都好靚，充滿大理石紋嘅油花而且分佈均勻。特別鍾意美國牛胸腹，脂肪較多令到佢口感較為Q彈，肉汁味道相當突出。仲有新西蘭羊卷肉，肉味清香帶甜，羊羶味唔太重，正！【花雕酒雞件】- 酒味甘甜醇厚，雞肉鮮嫩無比。【麻辣鴨血】- Q彈滑嫩好口感，麻辣嘅味道十分入味。【椒鹽蝦】- 口感非常酥脆，香味十足。【炸午餐肉】- 午餐肉鮮美多汁，口咬落去外面嘅皮酥脆香軟，越嚼越香。