翠華餐廳 (Closed)

超級唔掂，完全失去茶餐廳意義！茶餐廳最緊要快，但係我下午2:50入去，已經唔係繁忙時間，因為趕時間，所以才選擇茶餐廳。我同朋友兩個人，一坐底，諗都無諗每人叫咗款野食，佢要牛腩撈麵，我要咗個咖哩牛腩飯。好快哋我朋友個麵到咗，過咗10分鐘，我個飯都未到，於是催下啦，再過多10分鐘，都未到。。。。我朋友都參唔多食完😱😱😱。。再催。。最後，過多10分鐘都唔來，由於太趕時間，最後走咗。雖然唔係常常發生類似問題，不過佢啲staff 好似全部發緊夢咁，催完2次都好應該醒目啦，我都明白茶餐廳，你要求啲咩服務丫，不過"唔好意思"都應該講聲掛。下次趕時間一定唔會去翠華！😡