韓舍 (Closed)

今日原本想食韓燒，但入到店內見到有人正在品嘗海鮮鍋，好吸引。經我們商量後就改了食宮廷海鮮鍋。要用2個火爐燒，認真夠大，一鍋盛裝好所有海鮮包括有龍蝦，大蟹，鮑魚、大海蝦，帶子和花甲等。再配上兆菜、蘿白和粟米，令湯低更鮮甜美味。我地選擇左泡菜湯低，有微辣。呢個湯低好適合滾海鮮，可以帶出海鮮既味道更加鮮甜。好似個龍蝦，平時在酒樓食，只食到調味既味道，用火鍋生滾燙後，完汁完味。特別鮮甜，爽口味美。貴妃蚌和象拔蚌沒有沙，好乾淨，好鮮甜。帶子都好好食。食吓海鮮又食吓時菜，時菜已吸收了泡菜湯和海鮮既味道，特別好吃。間中又可以出去拿吓刺身，壽司，羊架來食吓，真係好多嘢食。仲有增添左炒雪糕機，呢個炒雪糕真係要比D耐性，如果唔係就好似我咁，只成功一半。