鮨見 (Closed)

第一次食咁貴既omakase 想食既差唔多都全部有哂同埋一個set既份量都幾多下前菜普普通通無咩特別 黎到刺身~整體黎講都幾新鮮 令我最印象深刻既係個拖羅海膽 師傅話要一啖食哂 但真係太大mak開個口食哂🤭 如果個拖羅無燒果話 應該仲好食 令外甜蝦刺身都幾鮮甜~跟住就係六貫壽司 每件都勁好多食 師傅仲突登整左多魚少食 食得多真係會漏 第一次食咁大咁肥美既蠔壽司 遠睇仲以為係鮑魚 拖羅壽司一如既往既好食～而個海膽魚子杯相對遜色少少 因為有幾啖食到海膽既苦味最後甜品係黎自福岡既蜜瓜 第一次食到咁甜既蜜瓜 一啖好食似食左十粒糖咁 總括而言會推薦朋友黎食！