牛極 (雅怡居)

Open Now

Now Closed

上次食過牛極之後念念不忘， 咁啱今晚要到深水埗買些電腦零件， 知道附近都有一間分店， 專程行過去食晚餐。 這間店跟旺角的一樣都有自助售賣機， 買完餐之後就可以坐定定等食， 牛扒未到之前可以去自助區攞沙律、湯、醬料和白飯先。 上次食過又再返尋味， 再次點牛肩排180g $80和牛柳 200g $110，這個價錢已包括沙律、飯及湯， 仲可以無限任添啊！ 記得一定要試下這裏的醬料有蒜蓉、燒肉汁和辛辣燒汁， 配上牛扒一起吃滋味無窮。牛肩排～ 粉嫩的顏色 ，肉質嫩滑， 油脂分佈比例比牛柳多， 口感軟腍， 入口即溶。牛柳～ 牛柳的肉質相比牛肩排紮實， 肉汁豐富有咬口， 兩者的牛味都十分濃郁。近期想食牛扒就會到牛極， 價錢親民， 食物質素高， 座位舒適， 深水埗店的員工還非常親切友善 ， 啱曬喜歡吃牛的朋友。