Video
Read full review
2009-02-11
15 views
本來同學應承今日請我地食Amaroni的, 但佢放飛機無返學=.=結果我自己一個走上去Simplylife食個寫意lunch =)由於上晝走左堂, 所以12點就去到了, 有好多位!! 晏d好多人等位架`今次仲有得坐梳化添!!! 張布梳化軟腍腍勁好坐!! 挨係度超舒服>V<Lunch set ($82)包括: soft drink/special iced tea+ daily soup/salad+ main course薄河茶有一少片薄河葉浮係面頭, 但完全無薄河感覺,反而好重花味, 似玫瑰茶溝糖水, 甜左d, 但味道不錯磨菇湯好味又夠熱* 雖然無磨菇蓉, 但好香好濃磨菇味, 質地偏杰, 都不錯跟湯包包摸一摸, 凍的, 失望; 咬一咬, 好驚訝, 因為實在估佢唔到…一間bakery竟然會送來如此乾硬麵包!!! 我個口差d損><松露汁野菌幼麥麵好味* 一送來已聞到好香, 面頭仲刨左d芝士片添, 賣相靚;麵條食唔出麥味, 但煮得剛好, 唔會太腍, 有咬口;磨菇好鮮味, 勁好味; 但黑色木耳狀物體好厚而且偏苦;汁好creamy, 但較淡, 加左少少鹽即刻好味
本來同學應承今日請我地食Amaroni的, 但佢放飛機無返學=.=
結果我自己一個走上去Simplylife食個寫意lunch =)
由於上晝走左堂, 所以12點就去到了, 有好多位!! 晏d好多人等位架`
今次仲有得坐梳化添!!! 張布梳化軟腍腍勁好坐!! 挨係度超舒服>V<
Lunch set ($82)
包括: soft drink/special iced tea+ daily soup/salad+ main course
薄河茶
有一少片薄河葉浮係面頭, 但完全無薄河感覺,
反而好重花味, 似玫瑰茶溝糖水, 甜左d, 但味道不錯
磨菇湯
好味又夠熱* 雖然無磨菇蓉, 但好香好濃磨菇味, 質地偏杰, 都不錯
跟湯包包
摸一摸, 凍的, 失望;
咬一咬, 好驚訝, 因為實在估佢唔到…
一間bakery竟然會送來如此乾硬麵包!!! 我個口差d損><
松露汁野菌幼麥麵
好味* 一送來已聞到好香, 面頭仲刨左d芝士片添, 賣相靚;
麵條食唔出麥味, 但煮得剛好, 唔會太腍, 有咬口;
磨菇好鮮味, 勁好味; 但黑色木耳狀物體好厚而且偏苦;
汁好creamy, 但較淡, 加左少少鹽即刻好味晒
份量其實不少, 兩個人黎叫2款主菜share食會較好*
加$10可以有個甜品, 是日甜品係lemon cheesecake/chocolate cake
但望一望隔離, 甜品四四方方勁細舊, 決定加散叫其他甜品
Banana Pie ($25)
一定要推介呢個!! 應該係我食過最好食既Banana Pie!!!
面頭係又厚又滑既唔甜淡cream;
跟住係厚厚既朱古力mousse, 唔算軟滑, 質感似雪糕但好味;
跟住係軟腍香甜既蕉蕉;
跟住係一層超香拖肥!!!呢個就係面頭用淡cream既原因,中和甜拖肥
跟住係一層厚薄適中既鬆化餅底;
驚喜係: 餅底下面仲有一塊薄朱古力!!!只得尖端一小塊
只售$25, 真係好抵食!! 食完仲係好懷念~
服務一般, 一個學生仔食個lunch埋單$118其實幾貴,
偶然想坐得舒服d, 食餐好少少既, 又一城黎講, 係不錯既選擇
陽光從高高既天花照射落黎, 好溫暖; 但面對住人來人往商埸, 景緻麻麻;
張梳化真係好好坐>V<!! 舒舒服服挨係度食美味既甜品, 實在寫意*
一個人食lunch都可以好滿足的=)
食完之後諗住行一陣就返去上堂既…結果行到過晒鐘!!
因為實在太多減價衫賣喇!!!哈哈結果索性唔返去上堂
Post
