Pancake 專門紗織 (Closed)

我個人呢就比較視覺動物，只要覺得餐廳環境靚，食嘢就會覺得特別享受。佢個環境係日本秋田🍁嘅風格，令人覺得好舒適，最令我印象深刻嘅就係設計超靚嘅餐枱墊，即刻忍唔住影返張相，好似一幅幅嘅畫🎑放咗喺枱面，用嚟襯托住美食🍱，真係別有一番風味。輕食系列係一個套餐，包含咗餐湯，沙律，主菜，餐飲⚜️香燒牛小排蘑菇汁意粉🍝，香燒牛小排味道一流，估唔到唔係專門食牛嘅地方都可以煮得咁好味，鮮嫩多汁。蘑菇汁有啲似白汁，奶味比較濃。佢仲有主打另一個輕食套餐嘅，下次嚟食套餐之餘再叫多一個甜品先。