GAVI

Open Now

Now Closed

今日收工，同事帶咗我嚟觀塘一間勁靚嘅西餐廳，呢度嘅裝修完全係我最鍾意嘅模樣，好多木製品，又係空間感超好，樓底好高，行歐美小清新風格嘅餐廳，原來更加係寵物友善餐廳，有帶寵物嘅人都可以坐室外，就連食物都好好味，所以下次一定要帶埋寵物過嚟！呢度嘅裝修感覺都好西式，但係竟然估佢唔到，都有好多亞洲食物。首先要咗個泰式燒原條烤魚笑得剛剛好，好入味，但係肉質保持到好嫩滑，不過重點都係個醬汁，好有泰式風味，越食越過癮！冇諗過呢度嘅串燒都會咁好味，我哋淨係叫咗鹽燒牛脷串同鹽燒五花串，但係兩個都真係有日式居酒屋嘅水準，燒嘅火候剛剛好，啲肉完全唔會鞋。然後就要咗個西式啲嘅經典卡邦尼意粉，pasta al dente，醬汁好creamy，正！至於飲品方面，就要咗兩杯呢度嘅signaturedrink，包括利賓納荔枝乳酸梳打同柚子檸檬蝶豆花梳打。兩杯個樣都超靚，好有層次感，用嚟打卡一流，話明係梳打，當然都好解渴啦，兩杯都好推介～另外呢到d set lunch每兩個星期會轉一次Menu，所以平日lunch都可以過嚟食。