14
1
2
Level1
2
0
超解渴柚香晶球綠茶
2023-01-01 91 views
前幾日去調景嶺做嘢，食完飯加上返工係咁講嘢個喉嚨涸涸地，就諗住喺附近搵啲嘢飲下解下渴，順便解下啲味精。見附近得功夫茶一間飲品店，就去望下有咩好飲🤪因為都幾口渴就想搵啲酸酸甜甜嘅嘢飲下，就叫咗杯柚香晶球綠茶。埋去counter 我就問店員如果我怕太甜應該叫咩糖度好，佢就好耐心咁話俾我聽其實佢哋啲料本身都好夠甜，其實都唔使再額外加糖🤣 所以就叫咗走甜～出到嚟果然係我想飲嘅味道！因為走咗甜所以可以飲到佢嘅柚香味，同時又㗳到陣茶香味；飲兩啖茶又可以伸條管落去吸幾粒晶球上嚟𡁻下。呢杯嘢我飲得都幾開心🥳 一路行一路飲，不知不覺未行到地鐵站就已經俾我啜晒成杯嘢😂😂😂😂睇嚟下次過開嚟做嘢都可以再俾多次機會佢哋，試埋其他嘢啵🤔🤔🤔
Read full review
前幾日去調景嶺做嘢，食完飯加上返工係咁講嘢個喉嚨涸涸地，就諗住喺附近搵啲嘢飲下解下渴，順便解下啲味精。見附近得功夫茶一間飲品店，就去望下有咩好飲🤪

因為都幾口渴就想搵啲酸酸甜甜嘅嘢飲下，就叫咗杯柚香晶球綠茶。埋去counter 我就問店員如果我怕太甜應該叫咩糖度好，佢就好耐心咁話俾我聽其實佢哋啲料本身都好夠甜，其實都唔使再額外加糖🤣 所以就叫咗走甜～

出到嚟果然係我想飲嘅味道！因為走咗甜所以可以飲到佢嘅柚香味，同時又㗳到陣茶香味；飲兩啖茶又可以伸條管落去吸幾粒晶球上嚟𡁻下。呢杯嘢我飲得都幾開心🥳 一路行一路飲，不知不覺未行到地鐵站就已經俾我啜晒成杯嘢😂😂😂😂

睇嚟下次過開嚟做嘢都可以再俾多次機會佢哋，試埋其他嘢啵🤔🤔🤔
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2022-12-31
Waiting Time
3 Minutes (TakeAway)
Spending Per Head
$30
Recommended Dishes
  • 柚香晶球綠茶