相馬日式火鍋 (Closed)

自從同男朋友同居之後就少見父母，襯今日放假就請佢哋嚟呢度食大閘蟹放題，孝順一下順便自肥😝呢度嘅放題超豐富，食完飽到捧住個肚🤰🏻無限任食有肉類、海鮮、即叫即蒸點心、串燒、炸物、單骨雞翼、雪糕同雪條🤩🔥大閘蟹超級新鮮大大隻😍有啲白膏漿住個口好滋味！海鮮拼盤非常豐富，有日本帶子、廣島蠔、蟹棒、青口、虎蝦、蜆同螺。蜆肉飽滿冇沙泥，帶子極具彈性又唔腥👍🏻‼️推薦呢個蕃茄湯鍋‼️配任何食材都咁夾，酸甜恰到好處，濃郁味美😋雖然係任飲無酒精飲品同指定啤酒，但都叫咗枝軍令純米大吟釀俾老豆🥰因為知佢鍾意飲清酒，但又唔太喜歡偏甜嘅。呢款就啱晒佢，酒味偏辛口，市面較為罕見。