Video
Read full review
2022-09-05
65 views
呢排愛上食Weekend Brunch，放假瞓到自然醒，再食一個豐富嘅早午餐，配埋酒chill一chill，就係度過周末最好嘅方法！一直聽過灣仔鋒膳嘅大名，原來姊妹店井巷子推出咗川菜香檳3小時任飲早午餐，就相約阿妹一齊食個靚brunch！Weekend Brunch 每位$950free flow有3款選擇：－G.H Mumm Grand Cordon NV （+$100）－Sake IWA Assemblage （+ $530）－Dom Pérignon Vintage 2012 （+$1,030）Dom Perignon Vintage 2012被譽為世上最好嘅葡萄酒，本身一枝都要二千幾蚊，而家一半價錢有得free flow其實都幾抵飲。我哋揀咗最basic嘅G.H Mumm Grand Cordon NV，雖然係入門級，但質素都已經好唔錯，Mumm係我哋好鍾意嘅牌子，入口清新舒爽，泡泡綿密細緻！店員主動性好強，不時主動同我哋refill，我哋每人飲咗3－4杯，淨係飲酒其實都已經值回大部分票價啦！頭盤（壹）：－西班牙向日葵甘栗豚叉燒－井巷子片皮鴨西班牙向日葵甘栗豚叉燒半肥瘦，豚肉肉
Weekend Brunch 每位$950
free flow有3款選擇：－G.H Mumm Grand Cordon NV （+$100）
－Sake IWA Assemblage （+ $530）
－Dom Pérignon Vintage 2012 （+$1,030）
Dom Perignon Vintage 2012被譽為世上最好嘅葡萄酒，本身一枝都要二千幾蚊，而家一半價錢有得free flow其實都幾抵飲。我哋揀咗最basic嘅G.H Mumm Grand Cordon NV，雖然係入門級，但質素都已經好唔錯，Mumm係我哋好鍾意嘅牌子，入口清新舒爽，泡泡綿密細緻！店員主動性好強，不時主動同我哋refill，我哋每人飲咗3－4杯，淨係飲酒其實都已經值回大部分票價啦！
頭盤（壹）：
－西班牙向日葵甘栗豚叉燒
－井巷子片皮鴨
西班牙向日葵甘栗豚叉燒半肥瘦，豚肉肉質鬆化，入口即溶！
片皮鴨係井巷子招牌，做得好好食，店員介紹話片皮鴨用上北京鴨種，以恆溫櫃熟成48小時，難怪如此有肉味！
頭盤（貳）（每人任選4款，無限添加）：
－炸排骨（西班牙向日葵甘栗豚）
－夫妻肺片
－脆皮茅台乳鴿
－川味牛展
－煙燻肥腸
－手拍XO醬青瓜
－涼拌25年黑醋老鼠耳
－怪味醬口水鵝翼
－青城臘腸菜花
頭盤（二）有9個選擇，款款都好吸引，要揀4款，真係忍唔住選擇困難症發作！店員好好人咁話每款都上一碟，比我哋一次過試晒，勁開心！脆皮茅台乳鴿必食，係我食過最好食嘅乳鴿！個皮脆卜卜，乳鴿肉嫩滑有汁，入口帶有淡淡嘅茅台酒香，正！
炸排骨嘅炸槳薄脆，用上西班牙向日葵甘栗豚，肉質爽彈結實。
煙燻肥腸係邪惡之選，上台時會打開玻璃蓋，飄來陣陣煙燻香。難得嘅係炸大腸唔會炸得油膩或有油益味！
怪味醬口水鵝翼甚有驚喜，鵝翼皮好Q彈，沾滿甜香又帶點麻辣嘅怪味醬，非常惹味！如果想食D清爽D嘅，青城臘腸菜花同涼拌25年黑醋老鼠耳都係唔錯嘅選擇！
主菜（每人6款選一款)
-皺皮椒酸菜煮英國鱸魚(+$100)
-腰果辣子鵪鶉脾
主菜好多都好特別，再一次選擇困難症發作！最好試咗店員推薦嘅皺皮椒酸菜煮英國鱸魚及腰果辣子鵪鶉脾，果然無介紹錯！酸菜魚用上英國鱸魚，魚塊大件厚肉，肉質嫩滑之餘又結實彈牙，口感十足！湯底唔會過酸或過辣，反而鮮味比較突出，皺皮椒酸辣開胃，我自己就好鍾意！
辣子雞就見得多，辣子鵪鶉脾真係第一次見！鵪鶉脾用上澳洲農場出品，炸得薄脆，內裡好嫩滑，滲滿香料嘅香味，但又唔會好辣！
主食（每人選一款）
－剁椒花膠撈飯
－酸菜海參龍蝦球手工麵
主食一次過試晒剁椒花膠撈飯及酸菜海參龍蝦球手工麵。剁椒花膠撈飯令我諗起城中另一間中法fusion餐廳嘅招牌菜，未食過嗰間星級餐廳，但井巷子嘅出品叫人驚喜！剁椒花膠撈飯份量慷慨，鋪滿花膠，毫不欺場。厚切花膠條炒香至油香彈滑，飯粒沾滿酸辣鮮香嘅剁椒醬汁，絕妙！
酸菜海參龍蝦球手工麵都好有誠意，手工麵口感彈牙，龍蝦粒份量好多，加上爽滑彈牙嘅海參，用料矜貴！
甜品
最後以四川著名甜品冰粉作結，冰爽美味！
食物整體好高質，食物用料全部都一絲不苟。 食完呢個weekend brunch，真係飽到唔駛食晚餐！呢個Brunch可以一次過試晒餐廳多款招牌菜，仲有3小時任飲香檳，好抵食！假日早午餐分2個時段，有興趣記得提早訂枱！
Section A: 11:30 - 14:30
Section B: 15:00 - 18:00
Post
