蚊蚊豬老火鍋 (Closed)

手提電腦壞咗，今日出咗深水埗行下，行咗一輪又左騰右騰，終於買咗啦。一買完就覺得好肚餓，朋友知我鍾意食烤魚，就提議食呢間任食放題。原來除咗烤魚任食之外，仲有好多嘢都係食，三文魚、雞煲、牛尾鍋，仲可以打邊爐，正。幫襯晚市放題，盤刺身同海鮮送。外面仲有自助吧，有啲邊爐料，仲有飲品區同任拎雪糕。呢度啲雪糕係本地品牌，但用既都係意大利原材料製造，仲係輕盈低脂，食多一兩杯都無問題啦。揀左泡椒酸湯味烤魚，要微辣，湯底酸酸地越食越開胃。配料有菇、 萵筍同娃娃菜。條魚有煎過，好香、魚肉又嫩滑。其他食完烤魚可以轉湯底邊爐，但我地都覺得呢個湯都好正，所以就真接打邊爐啦。佢呢度可以點較少見牛肉部位，例如黃喉同毛肚👍。呢度啲小食都好味，麻辣串串，yummy。炸饅頭都超正，外脆入面又超鬆軟，我地仲食左兩轉添。今餐真係食左好多野，我個肚都無位置食雞煲同其他鍋添。